1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

ABUJA : Uchaguzi wa rais waingizwa kwenye matata

Mgombea wa chama tawala Umaru Yar’Adua anaelekea kushinda uchaguzi wa rais nchini Nigeria kutokana na matokeo ya awali leo hii lakini waangalizi wa uchaguzi huo wameulani kuwa ni pigo kwa nchi hiyo kuwa kielezo cha demokrasia barani Afrika.

Waangalizi wa uchaguzi wa kimataifa na wale wa ndani ya nchi wamesema uchaguzi huo umeingizwa matatani mno kutokana na kujazwa kura za bandia,umwagaji damu na uhaba wa mamilioni ya karatasi za kupigia kura.

Piere Richard Prosper wa Taasisi ya Kimataifa ya Republican amesema serikali imewaangusha wananachi wa Nigeria na kwamba uchaguzi huo katika taifa lenye idadi kubwa kabisa ya watu barani Afrika milioni 140 umeshindwa kutimiza viwango vya chini vya uchaguzi vinavyokubalika.

Kundi la Mpito la Waangalizi wa Uchaguzi la Nigeria limesema uchaguzi huo hauna budi kubatilishwa na kurudiwa tena.

Matokeo ya uchaguzi huo yanatarajiwa kutolewa leo hii wakati waangalizi zaidi wa kimataifa watakapotowa maamuzi yao.

Upinzani umesema huenda ikawateremsha wafuasi wake mitaani iwapo chama tawala cha PDP kitadai kushinda.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com