1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

ABIDJAN:Rais wa Ivory Coast ataka uchaguzi haraka kumaliza mzozo wa kisiasa

Rais Laurent Gbabo wa Ivory Coast amesema kuwa serikali yake kwa sasa inaweza kuandaa uchaguzi mkuu ambao umeahirishwa mara mbili, itakapofika mwisho wa mwaka huu.

Akizungumza katika mkesha wa siku ya uhuru wa nchi hiyo, Rais Gbabo amesema kuwa umefika wakati sasa wa kuondokana na mizozo ya kisiasa nchini humo kwa kuitisha uchaguzi mkuu.

Ivory Coast imegawika katika vipande viwili toka waasi walipotwaa eneo la kaskazini takriban miaka mitano iliyopita.

Rais Gbabo amemuelekeza Waziri Mkuu wa serikali ya mseto ambaye ni kiongozi wa waasi hao Guillaume Soro kufanya kila liwezekanalo ili uchaguzi huo ufanyike haraka.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com