1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Studimi në Gjermani

Zgjedhjet presidenciale në SHBA

Në shtypin gjerman komentohet lufta elektorale në SHBA.

default

Kandidatët demokratë: Senatori Barack Obama dhe senatorja Hillary Clinton

Analistët gjermanë marrin nën lupë dukurinë Obama, ja se si komenton berlinezja "Tagesspiegel":
"Kampi i Hillary Clinton-it nuk mund ta besojë: na vjen një senator i ri zezak, i cili ende nuk ka përvojë politike dhe i rrëmben asaj emërimin si kandidate e demokratëve për presidente, gjë që ajo e konsideronte mëse të sigurt. (...) Ajo është mishërim i kompetencës. Por ai fiton zemrat. Masa e njerëzve nxiton për tek Barack Obama dhe pret me orë të tëra pa u ankuar. (...) Amerika është në prag të hapjes së nja kapitulli të ri në historinë e saj, thotë Obama. Ai premton pajtim të racave, të klasave, të kampeve politike. (...) Bushi e ka përçarë shoqërinë, por në fakt kjo ka nisur qysh nën Bill Clinton-in. E SHBA nuk duan të kthehen aty ku kanë qenë."
"Süddeutsche Zeitung" që del në Mynih vëren: "Barack Obama do të ishte kandidati më i keq, madje edhe rreziku më i madh për demokratët në garën për president përballë një republikani robust si John McCain. Kush lexon fjalimet e Obamës, kush analizon karrierën e tij politike, kush i ka studjuar nga fillimi deri në fund prezantimet e tij në publik, do ta kutpojë që më e shumta ai ka talent politik. Por njëkohësisht ky kandidat të çorienton, sepse ai është jashtëzakonisht i pakapshëm, elastik dhe pa brumë. Teksa në vjeshtë Obama luhatej në shkallën e popullaritetit, kjo kishte një arësye: ai ishte i pakapshëm."
  • Data 08.01.2008
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/Cler
  • Data 08.01.2008
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/Cler