1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

"WAZ Meddien Gruppe" prezente dhe në Shqipëri

Të mërkurën në mbrëmje në Tiranë është finalizuar bashkimi i grupimit mediatik shqiptar Vizion Plus me kompaninë e njohur ndërkombëtare "WAZ Meddien Gruppe".

WAZ-Mediengruppe në Essen, Gjermani

WAZ-Mediengruppe në Essen, Gjermani

Interesimi nga afër i Grupimit të fuqishëm mediatik ndërkombëtar "WAZ Meddien Gruppe" në Shqipëri ka nisur para më shumë se dy vjetësh. Përfaqësuesit e saj kanë monitoruar performancën në treg të kompanive kryesore mediatke vendase, për të përzgjedhur më të përshtatshem për blerjen e aksioneve. Të mëkurën në mbrëmje në Tiranë, WAZ-i ka shpallur zyrtarisht blerjen e paktës kontrollluese të aksioneve nga kompania mediatike shqiptare Vizion Plus. Sipas drejtuesit të WAZ-it Bodo Hombach, Vizion Plus në Shqipëri ka dhënë prova "për paanshmërinë dhe profesionalizmin në tregun vendas mediatik, si dy elementët thelbësorë për i arritjen e kësaj marrëveshjeje".


Kështu hartës së aktivitetit të WAZ Meddien Gruppe në vende të ndryshme të botës i shtohet dhe Shqipëria. Ky grupim ndërkombëtar kontrollon ose ka aksionet e veta dhe në rreh 500 tituj gazetash e media radiotelevizive si në Gjermani, Vietnam, Rusi, Austri, Hungari, Serbi, Mal të Zi, Kroaci e Ukrahinë. Janë mbi 145 tituj, 16 mijë gazetarë që punojnë për llograi të ëAZ-it, 362 botime periodike, 10 radio, si dhe shumë shërbime të dizhitalizuara.


Drejtori i Përgjithshëm i Vizion Plus në Shqipëri, Genc Dulaku, e shikon bashkëpunimin me këtë grupim të fuqishëm mediatik një hap cilësor "jo vetëm për kompnainë e tij, por për të gjithë median në Shqipëri, në konsolidimin e standarteve dhe në shërbim të procesve integruese të vendit në strukturat euroatlantike".

Ekspertët e shikojnë hyrjen e WAZ-it në tregun shqiptar si nxitje për konkurencën mes mediave kryesore elektronike dhe ato te shkruara.

  • Data 03.07.2008
  • Autor Arben Muka / Tiranë
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/EVLI
  • Data 03.07.2008
  • Autor Arben Muka / Tiranë
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/EVLI