1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

Vritet në Shqipëri deputeti Fatmir Xhindi

Në rrethana të panjohura, mbrëmë në Roskovec, në qarkun e Fierit, është vrarë me armë zjarri deputeti i opozitës Fatmir Xhindi. Policia ofron 250.000 euro shpërblim për informacione që mund të zbardhin këtë ngjarje.

Policia kontrollon rrugët

Policia kontrollon rrugët

Të shtunën në mbrëmje në qytetin e Roskovecit, në qarkun e Fierit, është vrarë me armë zjarri deputeti i opozitës Fatmir Xhindi. 49-vjeçari ishte duke parkuar automjetin në oborrin e shtëpisë, kur rreth orës 21.15 është qëlluar me një breshëri automatiku nga autorë të paidentifikuar ende. Fatmir Xhindi u dërgua nga familjarët menjëherë në spitalin e Fierit, por nuk i ka mbijetuar dot 6 plumbave që kishte marrë në trup.

Policia mbërriti menjëherë në vendin e ngjarjes dhe po kryen hetime intesive. Ende nuk ka një variant zyrtar për shkaqet dhe autorët e vrasjes së deputetit Fatmir Xhindi. Sipas të dhënave të para të ekspertizës, ai është qëlluar pas shpine me automatik tip Kallashnikov, nga një distancë rreth 2 metra.

Ministria e Brendshme në Tiranë vuri në dispozicion të atyre që japin informacion mbi këtë ngjarje një shumë prej 250 mijë eurosh, si dhe dy numra telefoni te posaçëm.

Sali Berisha

Sali Berisha

Politikanët e dënojnë vrasjen dhe kërkojnë zbardhjen e saj

Kryeministri Sali Berisha e përshkroi vrasjen e deputetit të PS-së si një "akt kriminal dhe barabar, një ngjarje shokuese për Fierin dhe për gjithë vendin". Sipas tij qeveria do të bëjë çdo përpjekje që autorët të vendosen para drejtësisë.

Shefi i Opozitës Edi Rama duke vizituar familjarët e deputetit të vrarë në qytetin e Roskovecit, kërkoi zbardhjen sa më parë të ngjarjes.

Fatmir Xhindi, baba i tre fëmijëve, ishte një nga themeluesit e PS në qarkun e Fierit. Nga viti 1997, për tre legjislatura rradhazi, ai ka qënë deputet në këtë zonë.

Nga burime të familjes ai pritet të përcillet për në banesën e fundit sot në orën 3 pasdite.

Ky është rasti i dytë kur vritet një anëtar i parlamentit në Shqipëri. Më 12 shtator 1998 pranë selisë së PD, në qëndër të Tiranës, u vra deputeti Azem Hajdari, njëri prej organizatorëve të Lëvizjes Studentore në fillim te viteve 90 në Shqipëri.

Autor: Arben Muka

Redaktor: Bahri Cani

  • Data 03.05.2009
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/His3
  • Data 03.05.2009
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/His3