1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Bota

Valë e re protestash në vendet arabe

SHBA presin vazhdimin e valës së protestave kundër institucioneve të tyre në botën myslimane. Pas sulmeve në konsullatën amerikane në Bengazi, autoritetet libiane kanë arrestuar katër burra.

Pas sulmeve në konsullatën amerikane në Bengazi, autoritetet libiane kanë arrestuar katër burra. Ata dyshohet të kenë ndihmuar në sulmet ndaj konsullatës, tha të enjten zëvendësministri i Brendshëm, Vanis Sharif. Të martën si pasojë e sulmeve në Bengazi humbën jetën ambasadori amerikan dhe tre diplomatë të tjerë. Në Jemen gjatë protestave anti-amerikane u vranë katër dhe u plagosën qindra njerëz të tjerë. Njerëzit kishin dalë në rrugë, ashtu si më parë në Egjipt, Libi dhe Tunizi, për të protestuar kundër një filmi të prodhuar në SHBA, i cili fyen profetin Muhamed.

Valë e re protestash në vendet arabe

Demonstrues në Libi dënojnë sulmet kundër përfaqësisë diplomatike të SHBA-së

Demonstrues në Libi dënojnë sulmet kundër përfaqësisë diplomatike të SHBA-së

Ndërkohë Shtetet e Bashkuara presin vazhdimin e valës së protestave kundër institucioneve të tyre në botën myslimane dhe për kët arsye kanë vënë në gatishmëri të lartë të gjitha misionet e tyre diplomatike. Siç njoftoi Departamenti amerikan i Shtetit gjendja do të jetë kritike, sidomos pas përfudimit të lutjeve të së premtes apo siç njihen ndryshe - falja e namazit të xhumasë.

Sekretarja amerikane e shtetit Hillary Clinton dënoi në një takim me homologun e saj maroken, Saadeddine Othmani, videon anti-islame me shpresën për të qetësuar myslimanët e zemëruar. "Qeveria e Shteteve të Bashkuara nuk ka të bëjë absolutisht aspak me këtë video. Ne e kundërshtojmë absolutisht përmbajtjen dhe mesazhin e saj", tha Clinton.

Ban Ki Moon bën thirrje për qetësi dhe maturi

Në Egjipt vazhdojnë protestat para ambasadës amerikane në Kajro.

Në Egjipt vazhdojnë protestat para ambasadës amerikane në Kajro.

Nisur nga protestat e dhunshme në Libi, Egjipt dhe vende të tjera arabe, sekretari i Përgjithshëm i Kombeve të Bashkuara Ban Ki Moon, bëri thirrje për qetësi dhe maturi. Vrasjet dhe sulmet nuk mund të justifikohen me asgjë, tha ai duke iu referuar filmit anti-islam, kundër të cilit drejtohen demonstratat. Filmi është "i mbushur me urrejtje" dhe "siç duket i përgatitur me vetëdije", "për të mbjellë fanatizëm dhe gjakderdhje", tha Ban.