1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Gjermania

UFO rrit presionin ndaj Lufthansës

Për shkak të konfliktit mbi tarifat tek shoqëria ajrore Lufthansa, sindikata e shoqëruesve të fluturimit - UFO - ka rritur presionin ndaj shoqërisë ajrore më të madhe të Gjermanisë.

Sikurse të premten e kaluar, edhe këtë të martë në mëngjes kanë hyrë në grevë stuardeset dhe stuardesët. Në mesditë pjesë e kësaj greve u bë edhe aeroporti i Mynihut.

Deri në mesditë (04.09.2012) u anuluan tashmë gjysma e fluturimeve në linja të shkurtra dhe të mesme. Edhe një sërë fluturimesh në destinacione të gjata u anuluan. Të prekur më së shumti nga këto greva janë aeroporti i Frankfurt mbi Mainit dhe ai Berlin-Tegel-it. Greva e parë në Frankfurt pati shkaktuar një kaos të madh në komunikacionin ajror evropian, shumë avionë të Lufthansës qëndruan në aeroport.

Mosmarrëveshjet e lindura janë vendet e përkohshme të punës por edhe menaxhimi i Lufthansës. Sindikatat dhe shoqëria ajrore kanë qenë prej kohësh në konflikt mbi pagesat dhe kushtet e punës. Sindikata UFO kërkon një rritje page prej 5 për qind për personelin për 15 muaj, duke filluar nga janari i këtij viti. Aktualisht kompania po i nënshtrohet një shkurtimi prej 1.5 miliardë eurosh për t'i bërë ballë rritjes së çmimit të karburantit dhe konkurrencës nga kompanitë “low-cost”. “Lufthansa” ka rreth 19 mijë punonjës dhe sindikata UFO përfaqëson dy të tretat e tyre.