1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Bota

Turqia para zgjedhjeve - BE nuk është temë e fushatës elektorale

Nga euforia evropiane e gjashtë viteve më parë, kur filluan bisedimet e pranimit, nuk ka mbetur shumë në Turqi. Procesi i pranimit në BE është futur në qorrsokak. BE nuk është më prioritet për publikun turk.

Me temën e BE-së nuk mund të fitohen vota në Turqi

Me temën e BE-së nuk mund të fitohen vota në Turqi

Sa më shumë që afron dita e zgjedhjeve, 12 qershori, aq më të zhurmshme bëhen mitingjet elektorale të partive që shpresojnë të futen në parlamentin turk. Toni i udhëheqësve politikë është shumë i lartë. Akuzat që partitë i bëjnë njëra - tjetrës janë përqëndruar më shumë tek korrupsioni, shkeljet e bëra në provimet universitare ose videoja e shpërndarë nëpërmjet Youtube e udhëheqësve të partisë ekstremiste të djathtë, Partia e Lëvizjes Nacionaliste (MHP) e Devlet Bahceli. Asnjë nga partitë nuk e përmend BE-në, dhe nuk thotë se pranimi në BE është prioriteti më i lartë i politikës së jashtme turke.

BE nuk është më prioritet për publikun turk.

BE nuk është më prioritet për publikun turk.

Sekretarja e Përgjithshme e fondacionit të specializuar për çështjet ekonomike në Stamboll, Cigdem Nas, e shpjegon këtë me mungesën e perspektivës evropiane të partive: "Ne shohim se publiku turk ka humbur interesin në temën e BE-së, po ashtu si dhe në përpjekjet e pranimit, të cilat janë futur në qorrsokak. Ne shohim se në fushatën elektorale, BE nuk trajtohet si temë prioritare. Mbase kjo ka të bëjë me mungesën e perspektivës evropiane në programin e zgjedhjeve si të qeverisë ashtu edhe të opozitës. Por, këto probleme nuk sjellin vota në zgjedhjet parlamentare."

Bisedimet e pranimit janë futur në qorrsokak kryesisht për shkak të konfliktit të Qipros. Si pasojë publiku turk ka humbur besimin tek BE. Në sfond luan një rol perceptimi i turqve se presidenti francez Nicolas Sarkozy, i përkrahur nga kancelarja gjermane Angela Merkel kryesojnë një front anti-turk.

Edhe partia në pushtet, ajo për Drejtësi dhe Zhvillim (AKP) nuk kanë thënë asnjë fjalë në fushatën elektorale për BE

Edhe partia në pushtet, ajo për Drejtësi dhe Zhvillim (AKP) nuk kanë thënë asnjë fjalë në fushatën elektorale për BE

Edhe partia në opozitë, Partia Republikane (CHP) e Kemal Kilicdaroglu e ka në programin zgjedhor temën e BE-së, por për të nuk flitet në fushatë

Edhe partia në opozitë, Partia Republikane (CHP) e Kemal Kilicdaroglu e ka në programin zgjedhor temën e BE-së, por për të nuk flitet në fushatë

Kryetarja e fondacionit Turqi-Evropë, Ziya Müezzinoglu, bën përgjegjëse paragjykimet e të dy palëve për zbehjen e vendosmërisë së Turqisë për pranim në BE: "Nga njëra anë ne shohim se në shumë vende të BE-së, ekzistojnë paragjykime kundër Turqisë, të cilat nuk janë kapërcyer ende. Por edhe në disa rrethe në Turqi ekzistojnë paragjykime ndaj BE-ë. Kështu BE shihet si klub i krishterë. Nga ana tjetër, disa vende i futën bisedimet e pranimit në qorrsokak, duke përdorur si argumente në konfliktet e politikës së brendshme ndryshimet kulturore dhe fetare me Turqinë."

Ndërkohë që këto bisedime pranimi janë ndërprerë, Turqia po përpiqet të marrë rol të rëndësishëm në Lindjen e Mesme. Kryengritjet në vendet arabe e kanë rritur rëndësinë e Turqisë.

Autor: Hülya Köylü / Aida Cama

Redaktoi: Vilma Filaj-Ballvora