1. Kalo tek përmbajtja
  2. Kalo tek lista qendrore e navigimit
  3. Kalo tek më shumë oferta të DW
Live TV
Videot e fundit
Në fokus
EuropaGjermaniaBallkani Perëndimor

Turqia detyron uljen e një avioni sirian

Eliana Xhani11 Tetor 2012

Incidenti pritet t'i rëndojë edhe më shumë marrëdhëniet e tensionuara mes Turqisë dhe Sirië. Flota ajrore turke detyroi një avion sirian pasagjerësh të ulej në Ankara, pasi në bord dyshohej se kishte armë ruse.

https://p.dw.com/p/16NqO
A Syrian passenger plane which was forced to land sits at Esenboga airport in Ankara October 10, 2012. Turkey scrambled fighter planes to force a Syrian passenger plane en route from Moscow to land in Ankara on Wednesday and banned Turkish civilian aircraft from flying in Syrian airspace, state-run TRT television said. REUTERS/Cem Oksuz/Anadolu Agency (TURKEY - Tags: POLITICS TRANSPORT TPX IMAGES OF THE DAY) FOR EDITORIAL USE ONLY. NOT FOR SALE FOR MARKETING OR ADVERTISING CAMPAIGNS. THIS IMAGE HAS BEEN SUPPLIED BY A THIRD PARTY. IT IS DISTRIBUTED, EXACTLY AS RECEIVED BY REUTERS, AS A SERVICE TO CLIENTS. TURKEY OUT. NO COMMERCIAL OR EDITORIAL SALES IN TURKEY
Fotografi: Reuters

Ulja e detyruar në Ankara e një avioni sirian që udhëtonte nga Moska për Damask ka rënduar marrëdhëniet turko-ruse. Rusia kërkoi sqarime dhe e akuzoi Turqinë për pirateri në hapësirën ajrore. Shefi i Kremlinit Vladimir Putin anuloi një vizitë të planifikuar për ditën e hënë në Turqi.

Ministri i Jashtëm turk, Ahmet Davutogllu deklaroi se kishte informacione sipas të cilave "ngarkesa e avionit nuk ishte në përputhje me rregullat e transportit ajror civil". Pas kësaj avionët e tipit F-16 u ngritën në ajër dhe e detyruan avionin e shoqërisë "Syrian Arab Airlines", të ulej në Ankara.

A Syrian passenger plane is seen after it was forced to land at Ankara airport on October 10, 2012. A Syrian passenger plane was forced to land in Ankara on Wednesday evening on suspicions that it was carrying weapons, Anatolia news agency reported citing officials. AFP PHOTO/ADEM ALTAN (Photo credit should read ADEM ALTAN/AFP/GettyImages)
Fotografi: Getty Images

Në aeroportin e kryeqytetit turk një njësi speciale e kontrolloi avionin e tipit Airbus A320 dhe mesa duket me sukses: sipas të dhënave të ministrit Davutogllu një pjesë e ngarkesës u sekuestrua. Ministri nuk dha megjithatë hollësi të mëtejshme.

Armë në bordin e avionin?

Mediet turke njoftojnë se avioni që vinte nga Moska, kishte në bord pjesë për raketa, zhurmues dhe paisje komunikimi. Gazeta "Hürriyet" shkruan se kontrolli i ngarkesës ka shkaktuar një grindje mes përfaqësuesve të autoriteteve turke dhe diplomatëve rusë. Sipas gazetës përfaqësuesit e Rusisë protestuan kundër hapjes së kutive të deklaruara si bagazh diplomatik. Mallrat e dyshuara ushtarake ishin zbuluar në paketa të veçanta brenda këtyre kutive.

Moska është një aleate e ngushtë e pushtetmbajtësit sirian Bashar el-Asad dhe furnizuesi i tij kryesor i armëve. Vetë avioni u la sërish i lirë. Të enjten (11.10.'12) në mëngjes ai vazhdoi udhëtimin drejt Damaskut.

Frikë nga masa shpaguese

Autoritetet turke paralajmëruan shoqëritë ajrore të vendit të mos përshkojnë hapësirë ajrore siriane. Kështu synohet mesa duket të shmanget ndonjë aksion shpagues nga regjimi i Asadit.

Në konfliktin me Sirinë, Turqia është pozicinuar hapur në anën e kryengritësve dhe u ka dhënë strehë rreth 100.000 refugjatëve sirianë dhe opozitarëve të rëndësishëm. Prej gati një jave në kufirin turko-sirian goditet vazhdimisht me granata nga Siria, turqit i janë përgjigjur zjarrit. Nëse sulmet nuk do të marrin fund, "kundërpërgjigja do të jetë më e fortë", ka njoftuar ushtria turke.