1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Bota

Turqi - Qeveria e gatshme të ndeshet me të gjithë kundërshtarët

Arrestimi i disa kundërshtarëve të njohur të qeverisë turke është ndërlidhur me procesin kundër Partisë në pushtet AKP, të kreministrit Rexep Tayyip Erdogan. Arrestimet ka shkaktuar tensione të reja politike.

Osman Paksut, jep vendimin e Gjykatës Kushtetuese për gjykimin e ndalimit ose jo të AKP-së, Partisë në pushtet, 31 mars 2008

Osman Paksut, jep vendimin e Gjykatës Kushtetuese për gjykimin e ndalimit ose jo të AKP-së, Partisë në pushtet, 31 mars 2008

Lajmi jehoi si një bombë: Në Ankara u arrestuan të martën nën akuzën për anëtarësi në një organizatë sekrete ultranacionaliste dy ish - gjeneralë, një gazetar dhe kryetari i Dhomës tregtare të qytetit. Për këtë rrjet, i cili mban emrin sipas vendlindjes mitologjike turke, Ergenekon, thuhet se ka përgatitur rrëzimin e dhunshëm të qeverisë. Ata akuzohen edhe për vrasjen e një prifti italian dhe gazetarit armen, Hrant Dink. Sipas aktuakuzës, rrjeti planifikonte edhe vrasjen e shkrimtarit Orhan Pamuk dhe politikanes kurde, Leyla Zana.

Kryeministri turk Recep Tayyip Erdogan

Kryeministri turk Recep Tayyip Erdogan

Që në fillim të vitit ka pasur dhe arrestime të tjera të anëtarëve të Ergenekonit. Në afërsi të Stambollit është zbuluar edhe një vend me armë. Opozita pohon se qëllimi i Erdoganit është që t'u mbyllë gojën kritikëve. Të arrestuarit shpesh janë deklaruar për ndalimin e Partisë për drejtësi dhe zhvillim, AKP, e cila është në pushtet. Rastësi apo jo, por arrestimi u bë pikërisht në ditën e fjalës përmbyllëse të prokurorisë në procesin për ndalimin e kësaj partie. Gjykata kushtetuese edhe një herë ka theksuar rreziqet që sjell AKP-ja për ndarjen e shtetit nga feja. Me këtë shpjegim kërkon edhe ndalimin e saj. Argumenti kryesor i Gjykatës është synimi i partisë që të kthejë shaminë e kokës edhe në universitete. Kryprokurori pohon se AKP-ja ka lidhje madje edhe me rrjetin terrorist të Al Kaidës, mirëpo nuk paraqiti ndonjë argument konkret për këto supozime.

AKP fiton zgjedhjet

AKP fiton zgjedhjet

Të enjten fjalën përmbyllëse para Gjykatës kushtetuese do të paraqesin edhe përfaqësuesit e AKP-së. Ma arrestimet e ditës së martë, pushteti e ka bërë shumë të qartë se është i vendosur që të përballet me të gjithë kundërshtarët.

  • Data 02.07.2008
  • Autor Gunnar Köhne
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/EUqG
  • Data 02.07.2008
  • Autor Gunnar Köhne
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/EUqG