1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Evropa

Triumf i "Finlandezëve të Vërtetë"

Në zgjedhjet parlamentare në Finlandë është shënuar një zhvendosje serioze politike në të djathtë.

Timo Soini e ndjen veten fituesin e vërtetë të zgjedhjeve

Timo Soini e ndjen veten fituesin e vërtetë të zgjedhjeve

Partia Konservatore Nacionale e ministrit të Financave, Jyrki Katainen, me mbi 20 për qind të votave ka fituar më së shumti mandate. 39 vjeçari do të ketë të drejtën e krijimit të kabinetit të ri qeveritar, por fituesi më i madh i zgjedhjeve të djeshme parlamentare është partia nacionaliste "Finlandezët e Vërtetë".

Erë e re në Finlandë

Finnland Wahlen Finanzminister Jyrki Katainen

Ai do të bashkëpunojë me "Finlandezët e Vertetë" , Jyrki Katainen

Kjo parti ka pesëfishuar votat, duke fituar rreth 19 për qind të tyre. Shefi i saj Timo Soini tha në një deklaratë për media se është shumë i lumtur dhe shpreson se ata do të jenë pjesë e qeverisë. "Ju dhe të gjithë të tjerët duhet të respektoni vullnetin e popullit të Finlandës. Partia jonë nuk është parti e krahut të djathtë, por një parti mes socialdemokratëve dhe Partisë së Qendrës, prandaj nuk duhet të jeni të brengosur me atë, që ka ndodhur në Finlandë", tha Soini. Humbësi më i madh i zgjedhjeve është Partia e Qendrës e kryeministres, Mari Kiviniemi, me rreth 16 për qind të votave. Ndërsa sociademokratët kanë fituar besimin e rreth 19 % të mbi 4,5 milionë finlandezëve, sa kishin të drejtën e votimit.

Kokëqarje për Evropën

Prime Minister and Chairman of Center Party Mari Kiviniemi, left, and party secretary Timo Laaninen react after the Finnish Parliamentary Election results at her party's election night reception in Helsinki, Sunday April 17, 2011. Finnish voters dealt a blow Sunday to Europe's plans to rescue Portugal and other debt-ridden economies, ousting the pro-bailout government and giving a major boost to a euroskeptic nationalist party. (Foto:LEHTIKUVA, Heikki Saukkomaa/AP/dapd) FINLAND OUT NO SALES

Ajo duhet të largohet, kryeministrja Mari Kiviniemi

"Rezultati "do t'i shkaktojë shqetësime Europës. Do të shkaktojë probleme me paketat e shpëtimit të euros", profetizoi Olavi Borg, një politolog finlandez. "Finlandezët e vertetë" janë shprehur shumë qartë lidhur me vendet me borxhe si Greqia, Irlanda dhe Portugalia. Ombrela e shpëtimit për shtetet në vështirësi ekonomike mund të funksionojë vetëm nëqoftëse shtetet anëtare të BE e mbështesin atë njëzëri.

Që në fushatë populistët e djathtë vunë theksin tek tema e euros duke vendosur kështu gurin e themelit për triumfin e tyre në votimin e tyre të dielën. "Nganjëherë ia vlen, që ngulësh këmbë tek bindjet e tua, edhe pse has në kundërshtime dhe shpotitesh", tha kryetari i partisë Soini. Finlandezët e vëertetë kërkojë edhe ashpërsimin e politikës ndaj të huajve, ndalinin e martesave të së njëjtës gjini si dhe ndalimin e abortit.

Autor: Bahri Cani (dpa, afp)

Redaktoi: Angjelina Verbica