1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

Transferimi i prokurorëve përcillet me polemika në Tiranë

Opozita ka reaguar ditën e mërkurë në lidhje me lëvizjet nga detyra të 14 prokurorëve në Prokurorinë e Përgjithshme, duke i konsideruar ato si të motivuara politikisht.

default

Parlamenti Tiranë

Sekretari për çështjet juridike në PS, Fatmir Xhafaj i quajti transferimet e prokurorëve, si "aktin e parë të një drame që po luhet nga mazhoranca për sistemin e drejtësise dhe që nuk përputhet me kërkesat që kanë qytetarët, por dhe institucionet ndërkombëtare, të cilat presin hapa serioze dhe të qëndrueshëm në reformën në drejtësi’.

Të mërkurën PS i ka drejtuar një letër kryeprokurores së Republikës Ina Rama, ku kërkon sqarime për lëvizjet e fundit në këtë institucion, veçanërisht për prokurorin e çështjes së hetimit të rrugës Durrës – Kukës, një çështje për të cilën opozita po pretendon se është shkaktuar një dëm i jashtëzakonshem ekonomik për buxhetin e shtetit dhe xhepat e taksapaguesve shqiptarë.

Në lidhje me transferimin e prokurorit të dosjes së ndërtimit të rrugës Durrës Kukës, Xhavit Hana, prokuroria ka sqaruar se megjithese Hana eshte caktuar në prokurorinë e krimeve të renda, "ai nuk është shkëputur nga ndjekja e kësaj çështje".

Ndërsa për lëvizjet e fundit në institucion, prokuroria është shprehur se çdo lëvizje është bërë në funksion të reformimit dhe të shkurtimeve te stafit në Prokurorinë e Përgjithshme. Polemikat për transferimet në organin kryesor të akuzës bëhen në një moment kur dy kampet kryesore të politikës, mazhoranca dhe opozita, janë duke nisur procesin e reformimit ne sistemit të drejtësisë, si një nga çështjet kryesore që duhet të permbushë Shqipëria për antarësimin në NATO dhe në BE.

  • Data 30.01.2008
  • Autor Ben Muka
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/Cztc
  • Data 30.01.2008
  • Autor Ben Muka
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/Cztc