1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

Tiranë: Zhvillohet konferenca e parë ndërkombëtare për gjermanistikën

Në diskutimin që do ta zgjasë dy ditë, janë të pranishëm profesorë dhe studiues të gjermanishtes jo vetëm nga Shqipëria dhe Gjermania, por dhe nga Kosova, Maqedonia e Kroacia.

Fakulteti i gjuhëve të huaja, në Universitetin e Tiranës

Fakulteti i gjuhëve të huaja, në Universitetin e Tiranës

Në ambjentet e Fakultetit të gjuhëve të huaja, në Universitetin e Tiranës, ka nisur të premten pasdite konferenca e parë ndërkombëtare që i kushtohet problemeve të gjermanistikës. Kjo veprimtari e rëndësishme po konsiderohet si fryt konkret i bashkëpunimi rreth 2 vjeçar mes departamentit të gjuhës gjermane në Universitetin e Tiranës dhe Institutit për Gjermanistikën në vendet e huaja pranë Universitetit të Jenës në Gjermani. Një prej organizatorëve të konferencës, dr. Brikena Kadzadej, tha për DW, se qëllim kryesor është mbledhja e studiuesve të gjermanishtes për të ndarë mes tyre rezultatet e punimeve të tyre kërkimore e shkencore të kohëve të fundit, në tema ndërkulturore, për mësimdhënien e gjuhës, punime krahasuese gjermano shqiptare etj."
Prezente në konferencë janë dhe prof.dr Herman Funk, dekan i Universitetit të Jenës, Dr. Verner Biechele, po nga ky universitet, lektorë dhe studiues nga Universiteti i Prishtinës, në Kosovë, nga Universiteti i Tetovës në Maqedoni, nga Universiteti i Rjekës në Kroaci etj.

Në seancën e parë të punimeve të konferencës ka qënë prezentë dhe ambasadori i Gjermanisë në Shqipëri, Bernd Borchardt, përfaqësues nga Kryeministria, nga stafi akadenik i Universitetit të Tiranës etj. Mbështetjen kryesore për aktivitetin e ka dhënë Shërbimi i Shkëmbimit Akademik Gjerman, DAAD. Ditën e premte në ditën e premte të gjithë të ftuarit nga Gjermania dhe rajoni kanë zhvilluar vizita punë në ambjentet e departamentit të gjuhëve te huaja në Universitetin e Tiranës, si dhe kanë bashkëbiseduar dhe me drejtuesit e fakultetit të gjuhëve të huaja të këtij Universiteti.

  • Data 05.12.2008
  • Autor Arben Muka / Tiranë
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/GA41
  • Data 05.12.2008
  • Autor Arben Muka / Tiranë
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/GA41