1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

Tiranë: Grevë urie e deputetëve në mjediset e Parlamentit

11 deputetë nga Lëvizja Socialiste për Integrim dhe Partia Demo-Kristiane kërkojnë të anulohet mënyra e administrimit dhe numërimit të votës, e parashikuar në projektiligjin e ri të Kodit Elektoral.

Sheshi para Parlamentit shqiptar, ku kanë hyrë në grevë urie njëmbëdhjetë deputetë

Sheshi para Parlamentit shqiptar, ku kanë hyrë në grevë urie njëmbëdhjetë deputetë

Të mbështetur nga disa qindra simpatizantë në sheshin para Parlamentit dhe monumentit të Fan Nolit, njëmbëdhjetë deputetë kanë hyrë në grevë urie. Ata janë vendosur në mjediset eParlamentit dhe kundërshtojnë ndryshimet e sapomiratuara të kodit Elektoral me konsensus nga dy partitë e mëdha, PD - PS.

Deputetët që u përkasin LSI dhe PDK, me hyrjen në grevë urie janë bërë zëri edhe i partive të tjera të vogla, ne solidaritet mes tyre pasi mendojnë se ndryshime "lejojnë vjedhjen e votës së elektoratit të tyre nga dy partitë e mëdha."

"Me përgjegjësi politike kombëtare jemi të detyruar të fillojme grevën e urisë si e vetmja rrugë demokratikedhe civile që na ka mbetur për t´i thënë ndal revanshit të binomit Berisha - Rama dhe qëllimit të tyre antidemokratik dhe antikombëtar për shkatërrimin e zgjedhjeve të ardhshme përmes numërimit stalinist të votave" tha Ilir Meta kryetar i Lëvizjes Socialiste për Integrim (LSI).

"Numërimi stalinist i votave" dhe projektligji per Kodin Elektoral

Sipas projektligjit të ri, në komisionet e numërimit dhe të administrimit të votave nuk do të ketë përfaqësues të të gjitha forcave parlamentare që do të futen në garë. Në përbërjen e komisioneve do të ketë nga dy përfaqësues të partive të mëdha PD- PS dhe vetëm dy nga një tufë partish të vogla parlamentare të majta apo të djathta. Këta të fundit do të zgjidhen me short , gjë që do të thotë që ka gjasa që shorti të mos i bjerë as LSI as PDK dhe ato të mos kenë asnjë përfaqësues në këto komisione. E njëjta logjikë funksionoin "vice-versa" për parti të tjera të vogla, në të majtëapo të djathtë të spektrit politik parlamentar.

Demokristianët: "Aventurë e rrezikshme e Berishës dhe Ramës"

Kështu e percepton këtë mënyrë numërimi të votave kreu i demokristianëve, Nard Ndoka: "Në emër të grupit parlamentar të PDK shpallim grevën e urisë, në mbrojtje të votës së lirë të shqiptarëve.

Në mbështetje të partive të vogla për të mos lejuar përjashtimin e tyre nga komisionet e qëndrave të votimit ka dalë edhe Martin Shultz, President i grupit parlamentar socialist në Parlamentin Evropian. Ai ndodhet në Tiranë për një vizitë zyrtare gjatë të cilës u ka deklaruar mediave se "ajo që i duhet Shqipërisë dhe demokracisë eshtë klima e besimit dhe gjithëpërfshirja."

Komision i pasaçëm parlamentar për reformën zgjedhore, mandati i të cilit përfundon këtë të shtunë, më 15 nëntor, sapo ka miratuar me konsensusin PD - PS të 170 nenet e projektligjit të Kodit të ri Elektoral. Projektligji do të votohet në Parlament javën e ardhshme.

  • Data 11.11.2008
  • Autor Ani Ruci
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/Frv0
  • Data 11.11.2008
  • Autor Ani Ruci
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/Frv0