1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Evropa

Thirrje për luftë kundër terrorit

Me një thirrje për luftë kundër grupeve terroriste ka përfunduar në Stamboll punimet Konferenca ndërkombëtare për stabilitetin në Irak. Kryeministri turk Erdogan i kënaqur me rezultatet e Konferencës.

Ministri turk i jashtëm Ali Babacan, Sekretari i Përgjithshëm Ban Ki-moon, kryeministri turk Recep Tayyip Erdogan, kryeministri irakian Nouri al-Maliki pozojnë për një fotografi grupi gjatë konferencës së Stambollit 3 nëntor 2007

Ministri turk i jashtëm Ali Babacan, Sekretari i Përgjithshëm Ban Ki-moon, kryeministri turk Recep Tayyip Erdogan, kryeministri irakian Nouri al-Maliki pozojnë për një fotografi grupi gjatë konferencës së Stambollit 3 nëntor 2007

Në këtë konferencë morën pjesë përfaqësues nga 17 vendet e botës si dhe përfaqësues nga një numër Organizatash ndërkombëtare, të cilët nënshkruan një deklaratë përfundimtare.

Terrori i Irakut nuk duhet të përhapet në vendet fqinjë

Deklarata nga takimi në Stamboll premton ndihma për të penguar që territori i Irakut të shfrytëzohet si bazë për sulme kundër vendeve fqinje. Konferenca, e cila duhej të fokusohej në përmirësimin e gjendjes së sigurisë në Irak, mbeti në hije të tensioneve përgjatë kufirit turko-irakian. Sekretari i përgjithshëm i OKB-s, Ban Ki Moon deklaroi se është i papranueshëm përdorimi i territorit irakian për sulmet ndaj PKK në Turqi.

Kryeministri turk, Rexhep Taip Erdogan u shpreh i kënaqur me rezultatet e konferencës

Turqia beson në mbështetjen e SHBA-ve. Erdogan kishte kërkuar ndërhyrje të shpejtë kundër rebelëve kurdë në veri të Irakut. "Eshtë në interesin jetik të Irakut dhe fqinjëve të tij që Iraku të forcojë sigurinë e brendshme dhe stabilitetin", tha Erdogan.

Kryeministri irakian, Nuri al-Maliki, ka premtuar marrjen e masave urgjente kundër grupit rebel kurd, PKK, për ta ndaluar atë që të përdorë baza në Irakun verior për sulme kundër Turqisë. Ndërkohë, bëhet e ditur se autoritetet irakiane kanë mbyllur në veri të Irakut një zyrë të Partisë kurde, e cila mbante kontakte të ngushta me PKK. Të hënën në Uashington, kryeministri turk Erdogan do të bisedojë me presidentin Xhorxh Bush (George Bush ) lidhur me konfliktin me rebelët e PKK-s në veri të Irakut.

  • Data 05.11.2007
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/C1cm
  • Data 05.11.2007
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/C1cm