1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Evropa

Takimi i ministrave të jashtëm në Luksemburg - priten vendime edhe për Ballkanin

Në Luksemburg të hënën mblidhen ministrat e jashtëm të shteteve anëtare të BE, në takimin e tyre të rregullt mujor. Temat kryesore: Ballkani, Lindja e Mesme, Zimbave, Iraku dhe Pakistani.

default

Ministri i jashtëm gjerman, Shtajnmajer me homologen austriake, Plasnik në takimin e ministrave të jashtëm të BE-së në Slloveni, mars 2008

Qëndrimi ndaj Serbisë

Hollanda dhe Belgjika deri tani kanë insistuar në bashkëpunimin e plotë të Serbisë me Tribunalin e Hagës, para nënshkrimit eventual të Marrëveshjes së Stabilizim- Asociimit me BE. Mirëpo njoftohet se ditët e fundit këto dy vende i kanë zbutur qëndrimet e tyre dhe nuk e përjashtojnë mundësinë e nënshkrimit të Marrëveshjes, por me kushte të caktuara. Ekziston mundësia që ministrat të ofrojnë nënshkrimin e Marrëveshjes së Stabilizimit Asociimit me Serbinë, edhe pa bashkëpunimin e plotë me Tribunalin e Hagës.

Brukseli dhe Haga janë të mendimit se Marrëveshja duhet të nënshkruhet me 16 qershor, ndërkohë që vendet e tjera kanë qëndrimin se dokumenti duhet nënshkruar para zgjedhjeve të 11 majit, me qëllim stimulimin e forcave proeuropiane në Serbi. Kjo çështje do të jetë në rend dite të martën.

Perspektivat e zgjerimit në Ballkan

Përsa i përket zhvillimeve në Evropën Juglindore, ministrat do të miratojnë edhe konkluzionet për zhvillimet në Bosnje-Hercegovinë, e cila do të marrë lëvdata për shkak të vendimit për reformën e policisë dhe nxjerrjen e dy ligjeve për policinë. Në Bruksel thuhet se zbatimi i plotë i kësaj reforme do të jetë një prej kushteve kryesore për afrimin e mtëutjeshëm të Bosnje - Herceovinës me BE. Pritet që në Luksembug të fillojë edhe dialogu për lehtësimin e regjimit të vizave me këtë shtet dhe me disa vende të tjera të rajonit. Në veçanti për lehtësimin e kushteve për studentë.

BE ka theksuar edhe në takimin e fundit të zhvilluar në Slloveni, vendosmërinë për zgjerimin e perspektivës për shtetet e Ballkanit perëndimor. Në këtë kuadër pritet të zhvillohet edhe një takim me përfaqësuesit e Kroacisë, ku në rend dite do të jetë plotësimi i kushteve për anëtarësim dhe gjendja e sigurisë në rajon.

DW.COM

  • Data 28.04.2008
  • Autor Bahri Cani
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/DpqO
  • Data 28.04.2008
  • Autor Bahri Cani
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/DpqO