1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Bota

Tërmet në Iran

Mbas tërmetit të rëndë që tronditi veriperëndimin e Iranit është duke u bërë pak nga pak e qartë përmasa e katastrofës. Bilanci i ndërmjetëm është 250 vetë kanë humbur jetën dhe rreth 2000 janë plagosur.

Tërmet në Iran

Tërmet në Iran

Në zonën e tërmetit rreth qytetit Tabriz, punonjësit e forcave të shpëtimit janë duke kërkuar për njerëzit e mbetur nën rrënoja. Ekipe shpëtimi dhe grupe me qenë janë futur në punë. Fshatra të tërë janë shkëputur nga pjesa tjetër e botës. Numri i të vdekurve mund të rritet, tha shefi vendas për mbrojtjen nga katastrofat.

Sipas të dhënave të Institutit sizmologjik në Universitetin e Teheranit, tronditja kryesore e tërmetit që ra të shtunën pasdite sipas orës lokale, ishte i shkallës 6,2. Epiqendra ndodhej 60 kilometra larg Tabrizit. Vetëm 11 minuta pas tërmetit të parë, ra sërish një tjetër i shkallës 6,0. Më pas ranë edhe disa tërmete të tjera të vogla.

Tërmet në Iran

Tërmet në Iran

Strehim emergjent për të pastrehët

Mes 1,5 milionë banorëve të qytetit Tabriz ra paniku. Shumë u larguan nga shtëpitë dhe dolën në natyrë. Linjat telefonike të një pjesë të rajonit u ndërprenë, rrjetet e telefonisë celulare po ashtu. Zjarrfikësit njoftuan për ndërprerjen e rrymës elektrike në shumë zona. Mijëra vetë e kaluan natën përjashta. Gjysmëhëna e kuqe iraniane krijoi në një stadium një strehim emergjent për 16 mijë vetë, siç bëri të ditur agjencia e lajmeve, Fars. Rreth 3000 çadra janë përgatitur për të pastrehët.

Në Iran bien shpesh tërmete, sepse pllakat tektonike takohen atje me njëra tjetrën. Një tërmet i rëndë ra në dhjetor të 2003-it. Në juglindje të vendit humbën atëherë jetën 25 mijë vetë.

  • Data 12.08.2012
  • Autor afp, dpa
  • Fjalët kyç Termet, Iran
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/15oHk
  • Data 12.08.2012
  • Autor afp, dpa
  • Fjalët kyç Termet, Iran
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/15oHk