1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

Steinmeier: Evropa e rëndësishme për stabilitetin në Ballkan

Në ditën e dytë të këshillimeve për buxhetin shtetëror 2009 parlamenti gjerman debatoi për buxhtetet e ministrisë së jashtme, të mbrojtjes dhe të bashkëpunimit ekonomik.

Kanelarja Angela Merkel, dhe ministri i financave Michael Glos, bisedojnë gjatë debateve për buxhetin

Kanelarja Angela Merkel, dhe ministri i financave Michael Glos, bisedojnë gjatë debateve për buxhetin

Projektbuxhetet aktuale nuk janë të specifikuara sipas rajoneve, por nuk pritet që për vitin 2009 do të ketë ndryshime sa i përket Ballkanit Perëndimor, bëhet e ditur nga qarqe qeveritare. Ministria për Bashkëpunim dhe Zhvillim Ekonomik fillon të enjten dhe të premten konsultime dyditore me Prishtinën për të sqaruar si do të ndahet pjesa e paracaktuar për Kosovën. Por pjesa dërrmuese e shpenzimeve të tatimpaguesve gjermanë drejt Kosovës kalojnë përmes organizatave të ndryshme ndërkombëtare kryesisht përmes Bashkimit Evropian.

Evropa vendimtare në fitoren e Tadiçit

Ministri gjerman i punëve të jashtme Frank Walter Steinmeier (Frank Valter Shtajnmajer) mori si shembull fitoren e koalicionit proevropian në Serbi për të dëshmuar rëndësinë e konsolidimit të mëtejshëm të BE-së: "Evropa jo vetëm që nuk u bë molla e sherrit në planin e brendshëm, por përkundrazi, ajo e ndihmoi këtë demokrat (Tadiçin) të fitonte duke sjellë kështu stabilitetin në vendin më të madh të Ballkanit Perëndimor", tha zëvendëskancelari socialdemokrat.

Kosova: Mëkati i parë apo i fundit?

Por përfaqësuesi i partisë më të madhe opozitare të liberalëve, Verner Hojer, e vuri në pikëpyetje efektin stabilizues të politikës së Gjermanisë në Ballkanin Perëndimor: "Historianët do ta gjykojnë në ka qenë vendimi për pavarësinë e Kosovës dhe zhvillimet në Osetinë Jugore dhe Abkazi mëkatet e para apo të fundit", tha ai.

Krahas kontributeve të drejtpërdrejta në ndihmë të Kosovës, Gjermania jep edhe 158 milionë Euro në vit për kontigjentin e KFOR-it dhe 11 milionë Euro për administratën e UNMIK-ut. Projektbuxheti do të kalojë më pas për t'u konsultuar nga komisionet përkatëse e pastaj do të kthehet sërish në parlament për t'u miratuar.

  • Data 18.09.2008
  • Autor A. Shuka
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/FKES
  • Data 18.09.2008
  • Autor A. Shuka
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/FKES