1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Evropa

S´ka tolerancë? Dhuna kundër grave në Spanjë

Në barazinë e gjinive Spanja në vitet e fundit po ecën me hapa viganë. Ligji i avancuar për barazinë, numri i ministrive në kabinet dokumentojnë vendosmërinë e shoqërisë spanjolle për t´u shkëputur nga imazhi i maçove.

Fotografi për simbolizimin e dhunës kundër grave

Fotografi për simbolizimin e dhunës kundër grave

Por edhe në familje duhet kryer transformimi dhe këtu kanë problemet e tyre edhe shoqëritë evropiane.

Kryeministri spanjoll Jose Luis Rodriguez Zapatero, ka disa ministre në kabinetin e tij

Kryeministri spanjoll Jose Luis Rodriguez Zapatero, ka disa ministre në kabinetin e tij

Trupi ishte mbuluar me goditje thike, dhe kur urgjenca mbërriti në lagjen e vogël Raya de Palancar në perëndim të Madridit, nuk ishin në gjendje të bënin asgjë më për gruan. Ajo kerkonte divorcin, ai e theri me thikë dhe në fund u dorëzua në stacionin e parë të policisë. Akte të tilla janë e përditshme e hidhur në Spanjë, Këtu nuk ka mundur të ndryshojë asgjë as fushatat me plakata dhe në televizion, të cilat duan t´u japin zemër grave.

„Unë i njoh të drejtat e mia, mos e ngre kurrë më dorën kundër meje" thonë disa gra dhe ministria e barazisë gjinore premton „null tolerancë kundër keqtrajtuesve". Por nga dora, që ka ngritur kundër tyre partneri apo burri, kanë vdekur këtë vit 45 gra. Të panumëruara janë aktet e dhunës, të cilat nuk përfundojnë me vdekjen e viktimës."

Në shoqëri po shtohet gradualisht vetëdija, që nuk është e drejta e natyrshme e burrave, për të goditur gratë, apo për t´i shtypur dhe për t´i keqtrajtuar ata. Ky nuk është fenomen që shfaqet vetëm te brezi i vjetër, ku maçizmi është shumë i rrënjosur, thotë psikologja dhe politikanja e nivelit komunal Maria Teresa Gómez-Límon: „Numri i akteve të dhunës në marrëdhëniet, në të cilat partneri është 25 ? apo më të rinj janë shtuar nga viti 2001 deri 2007. Kjo më duket e tmerrshme. sepse kjo do të thotë, se nuk bëhet fjalë vetëm për çifte tradiconale" që po vdesin, siç do të thoshte dikush."

Fotografi për simbolizimin e dhunës kundër grave

Fotografi për simbolizimin e dhunës kundër grave

Gómez-Límon ka shkruar një libër me këshilla për gratë e keqtrajtuara. Titullin në kopertinë mund ta përkthesh përafërsisht, "Kush dashuron, ai vuan", nur dass noch ein fett gedrucktes „nicht" dabei steht. Si eksperte gjyqi ajo shqyrton rregullisht rastet e dhunës shtëpiake. Përshtypja e saj është se shoqëria në përgjithësi bëhet gjithnjë e më e dhunshme - dhe pikërisht çiftet e reja janë shpesh të mbingarkuar: „Has gjithnjë çifte shumë të papjekura. Ata janë seksualisht të pjekur, trupërisht janë të pjekur - por atyre u mungon pjekuria emocionale. Pra ata nuk janë të përgatitur, që të përballojnë situata të caktuara stresi, të cilat i sjell me vete jeta si çift."

Dhe gratë shpesh nuk e kishin të qartë, se janë viktima të shtypjes dhe jo vetëm të dhunës fizike. Në librin e saj gjen një lloj testi për vetveten me pyetje si: „A të fajëson se nuk i qëndron besnike?" apo „A të poshtëron para të tjerëve?" deri te „A beson nganjëherë, se e ke merituar një dënim"?

Edhe qeveria spanjolle do t´u japë zemër grave, për t´u mbrojtur – kështu ajo ka vendosur linjën telefonike falas për gratë në nevojë 016. Mjeku ligjor Miguel Lorente është i ngarkuar për dhunën shtëpiake: „Problemi është se dhuna shtëpiake jo vetëm që është injoruar, por është parë si një e drejtë e natyrshme. Dhe kjo të çon në pasivitet. Dhe nqs ti nuk mbrohesh, dhuna vazhdon dhe në rradhë të parë agresori mund të shpresojë të mbetet pa u dënuar."

Por edhe vendimet gjyqësore nuk mbrojnë më, gjithnjë ka raste që gratë vriten nga partnerët e tyre, megjithesë me vendim gjyqi nuk mund tú afrohen. Policia është e pafuqishme, sepse ajo lejohet të ndërhyjë në rast kërcënimi konkret – por pastaj është shpejt tepër vonë.

Kush tregon kurajo civile dhe vepron kundër dorasit e vë jetën e vet në rrezik. Jesus Neria, profesor i shkollës së lartë në Madrid, hyri në fillim të gushtit në mes, kur pa, se si një burrë në rrugë të madhe goditi partneren e tij, tregon gruaja e tij: „Në shtëpi ai tregonte vetëm, se sa i indinjuar kishte qenë, kur burri e kishte qëlluartë shoqen, edhe kur ajo ishte rrëzuar për tokë. Goditjet, që ai mori vetë, nuk e shqetësonin. Rëndësi për të kishte dhuna kundër gruas, prandaj ai ndërhyri."

Por nga goditjet, që politologu mori nga burri që rrihte gruan e tij, ra pas disa ditësh në një koma, nga e cila nuk është zgjuar ende. Gruaja e keqtrajtuar nuk deshi ta padiste të shoqin. Nuk është çudi, thotë Covadonga Naredo e shoqatës së gruas„Mujeres Progresistas"

„Duhet ta kemi të qartë, se ajo jeton prej kohësh në këtë situatë dhe kjo ka pasoja psikologjike. Ai e ka kërcënuar atë shpesh, e ka sharë dhe e ka qëlluar dhe së bashku me frikën që ajo ka, kjo bën, që ajo nuk do ta pranojë atë që ndodh dhe biles mohon edhe gjërat fare të dukshme."

  • Data 03.10.2008
  • Autor Rajnhard Shpigelhauer
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/FTZV
  • Data 03.10.2008
  • Autor Rajnhard Shpigelhauer
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/FTZV