1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

Si reagon shoqëria ndaj incidentit mes tifozëve në Maqedoni?

Incidentet ndëretnike duhet me kohë të parandalohen, sepse në të kundërtën, ato mund të destabilizojnë situatën e sigurisë në Maqedoni, vlerësojnë ekspertët.

Tifozë maqedonas të futbollit

Tifozë futbolli të Maqedonisë

Incidentet mes tifozëve dhe një pjese të qytetarëve shqiptarë në lagjen Nerez të Shkupit që ndodhën kohë më parë, dukshëm kanë prishur " idiliken" e marrëdhënieve të relaksuara ndëretnike në vend. Maqedonia rrezikohet nga destabilizimi, nëse nuk ndërrmeren masa për parandalimin e incidenteve ndëretnike, vlerësojnë ekspertët. Mirjana Malevska, ligjëruese në Universitet, vlerëson se fatjorët për incidentet ndëretnike patjetër duhet të dalin para drejtësisë.

Të rinjtë të mos ushqehen me ndjenja ekstremiste

" Në një shoqëri çdo herë mund të paraqiten dukuri ekstremiste, por në këtë rast është shumë me rëndësi që shteti, policia, t’i gjejë fajtorët dhe ti nxjerrë para drejtësisë. Vetëm në këtë mënyrë, shteti mund të dëshmojë se kujdeset njëlloj për të gjithë qytetarët, pa marrë parasysh përkatësinë e tyre etnike" thotë Mirjana Malevska.

Sipas saj duhet të punohet shumë në krijimin e një atmosfere tolerante, në të cilën asnjë etnitet nuk duhet ta ndjejë vehten si të tepërt. Të rinjtë nuk duhet të keqpërdoren dhe të ushqehen me ndjenja ekstremiste, sepse kjo dëmton rëndë marrëdhëniet ndëretnike e me këtë edhe stabilitetin e shtetit, thotë profesoresha Malevska. Gjithnjë sipas saj, incidenti në baza etnike mes tifozëve dhe qytetarëve shqiptarë, tregon faktin e dhimbshëm se në Maqedoni, edhe pas nëj konflikti të armatosur, nuk është arrtur të kapërcehen paragjykimet etnike.

Parlamentarë të Maqedonisë

Parlamenti i Maqedonisë

Sociologu Ilia Acevski, thotë se në sport nuk duhet të përzihet politika, sepse tifozët përmes këngëve të tyre, gjatë dhe pas ndeshjeve, përcjellin atë që zhvillohet në arenën politike.

Tifozët demonstrojnë sjelljet e parlamentarëve

"Ajo që ndodh në parlament, në skenë të hapur, të njejtën atmosferë e përcjellin tifozët edhe në stadiume, me të vetmin qëllim që të imponohen në opinion. Në fjalorin sociologjik kjo mund të zbërthehet se tifozët në mënyrë shumë më të thjeshtë demonstrojnë mendimet dhe sjelljet e politikanëve", thotë sociologu Acevski.

Organizatat joqeveritare kanë shprehur shqetësimin e tyre lidhur me incidentet ndëretnike të të rinjve në Shkup. Ata kërkojnë vigjilencë në menaxhimin e këtyre rasteve me qëllim që të njejtat të mos dalin jashtë kontrollit.

"Qytetarët po marrin helm ndëretnik, që do të thotë mostolerancë ndëretnike. Kur të rinjtë urrejnë njëri - tetrin, atëhere çfarë shoqërie mund të zhvillojmë ne këtu në Maqedoni" thotë Artan Grubi, kryetar i Lëvizjes Qytetare "Zgjohu".

Studentë në Shkup

Të rinj studentë në Shkup

Të rinjtë në Maqedoni nuk kanë pothuajse kurrfarë ndikimi në sjelljen e vendimeve, thotë Miki Trajkovski nga OJQ’’ Të rinjtë për të rinjtë". Sipas tij, gjenerata e re nuk pyetet për emrin, për NATO-n dhe BE-në, apo për krizën ekonomike.

" Përfundimisht të rinjtë deri tani nuk kanë ndonjë ndikim në shoqëri. Ata nuk pyeten edhe për gjëra, të cilat kanë të bëjnë drejtpërdrejtë me jetën e një të riu", thotë Trajkovski.

" Askujt nuk i intereson se çfarë duam të themi ne. Edhe të flasim askush nuk na e vë veshin", thonë disa të rinj shkupjanë.

Sipas sociologut Ilia Acevski, në këtë mënyrë të rinjtë injorohen nga proceset në shoqëri, që shumë herë rezulton me shprehjen e mllefit të të rinjve përmes formave të ndryshme.

Autor: Fatos Musliu/Shkup

Redaktoi: Mimoza Cika-Kelmendi

  • Data 29.08.2009
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/JLAj
  • Data 29.08.2009
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/JLAj