1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Studimi në Gjermani

Shtypi për takimin Merkel - Sarkozi

Kancelarja gjermane, Angela Merkel dhe presidenti francez Nikola Sarkozi diskutuan për bashkëpunimin dypalësh

Kancelarja gjermane, Angela Merkel dhe presidenti francez Nikola Sarkozi diskutuan për bashkëpunimin dypalësh

Dy ditë pas festimit të përbashkët të rënies së Murit të Berlinit, Kancelarja gjermane Angela Merkel dhe Presidenti francez Nikola Sarkozy përkujtuan të mërkurën në Paris fundin e Luftës së Parë Botërore. Ata vlerësuan lart miqësinë gjermano-franceze dhe rëndësinë e saj për marrëdhëniet ndërkombëtare. Kjo është sot temë qendrore edhe në të përditshmet gjermane.

Fillimisht në 'Märkische Oderzeitung' lidhur me këtë temë lexojmë:

"Është për t'u përshendetur nëse presidenti francez Nikolas Sarkozy e merr këtë ditë si shkas për të hedhur vështrimin nga e ardhmja. Nëse ai mendon që Gjermania dhe Franca duhet ta pranojnë historinë e tyre si detyrë dhe obligim. Megjithatë kjo nuk është krejt origjinale. Sarkozia gabohet sigurisht, nëse i bën llogaritë duke mbajtur parasysh vetëm marrëdhënie të veçanta, bën madje propozime, të cilat kanë më shumë efekte të një shou se sa substancë. E vërtetë është se në Evropë mund të funksionojë gjithçka, vetëm kur Berlini dhe Parisi flasin me një zë. Por e tëra kjo duhet të ndodhë në skenën evropiane. Përndryshe shumë shpejt partnerët e tjerë evropianë do të dyshojnë për krijimin e një qendre drejtuese, së cilës nuk do t'i nënshtrohen asesi", thuhet ndër të tjera në numrin e sotëm të gazetës 'Märkische Oderzeitung'.

Ndërkaq nga 'Frankfurter Allgemeine Zeitung' po për këtë temë shkëpusim:

"Një ministër në palën gjermane dhe në palën franceze duhet të përmirësojë në të ardhmen koordinimin e punëve në mes të dy kabineteve qeveritare. Në Pallatin Elize me këtë post lidhet dëshira që Berlini të detyrohet që vazhdimisht të jetë i lidhur ngushtë politikisht me Parisin. Ato që në kryeqytetin francez janë parë si veprime të Gjermanisë pa ndihmëm e kurrkujt, frenimi i borxheve, refuzimi i një plani të përbashkët për shpëtimin e bankave apo mëvetësia e politikës energjetike gjermane, nuk duhet të ndodhin më në të ardhmen. Presidentit francez të shtetit i kalojnë me këtë rast, me qëllim, pa i parë disa lënie pas dore të konsultimeve të përbashkëta. Dyshimet për të drejtën shtetërore, edhe në përshkrimin e kompetencave të këtij ministri gjerman dhe francez do të bëjnë shumë shpejt që edhe në Paris kjo çështje të mbetet në hije", lexojmë në komentin e gazetës 'Frankfurter Allgemeine Zeitung'.

Autor: Esat Ahmeti/dpa

Redaktoi: Auron Dodi

  • Data 12.11.2009
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/KUYC
  • Data 12.11.2009
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/KUYC