1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Gjermania

Shtypi gjerman: tri opsione të mundshme për veriun e Kosovës

Shtypi gjermanofon vazhdon të raportojë dhe të komentojë mbi zhvillimet në veri të Kosovës.

IPamje simbolike

Pamje simbolike

Lidhur me këtë në gazetën "Neue Züricher Zeitung" nën titullin : Fronte të ashpra në mosmarrëveshjet për kalimet kufitare në veri të Kosovës ndër të tjera shkruhet:

Problemi kryesor është çështja e sovranitetit në veri të Kosovës

"Pas mosmarrëveshjeve për vulat doganore, targave dhe bojkotit të importit nuk ka asgjë tjetër përveç çështjes se kush e ushtron në fakt sovranitetin në veri të Kosovës. Aventura e dështuar e policisë së Kosovës që pa një mbështetje nga Brukseli dhe Uashingtoni të krijojë fakte të kryera tregon se nuk ka rrugë tjetër përveç negociatave. Në këtë kuadër të mundshme janë tri opsione: Veriu i Kosovës ( kjo do të thotë 10 për qind e territorit, tre për qind e popullatës së përgjithshme, nga ky tre për qindësh 95 për qind serbë) të mbetet pjesë e Kosovës dhe të integrohet me të drejta të autonomisë siç është paraparë edhe në planin e Ahtisarit. Ky është edhe qëllimi i deklaruar i Prishtinës. Mundësia e dytë është një autonomi e gjerë serbe. Mundësia e tretë është një korrigjim i kufirit, përmes të cilit bishti verior i Kosovës do t'i njihej zyrtarisht Serbisë, por që do të plotësohej nga një korrigjim i kufirit në jug të Serbisë në favor të Kosovës. Atje ekzsitojnë dy bashki, të cilat janë të dominuara nga shqiptarët", theksohet në gazetën Neue Züricher Zeitung.

Gjermania dhe Austria shtojnë numrin e ushtarëve në Kosovë

Ndërkaq "Frankfurter Allgemeine Zeitung" në numrin e së mërkurës (03.08.2011) në fokus ka shtimin e trupave të Natos në kuadër të Kfor-it në Kosovë. Duke njoftuar se 5500 ushtarëve të KFOR-it, sa aktualisht janë në Kosovë, do t'i bashkangjiten edhe 550 ushtarë gjermanë dhe 150 ushtarë austriakë, gazeta vëren:

"Trazirat në Mitrovicë sipas komandantit të KFOR-it, gjeneralmajorit gjerman Erhard Bühler nuk kanë të bëjnë shumë me tensionet në mes Beogradit dhe Prishtinës, por janë një "përzierje e gjendjes mes krimnalitetit, radikalizmit dhe politikës lokale". 'Bëhet fjalë për pushtet dhe para', thotë Bühler. Në këtë mënyrë në enklavën serbe, e cila nuk kontrollohet nga forcat kosovare të sigurisë dhe të drejtësisë zhvillohen biznese me karburante të kontrabanduara dhe të përziera, të cilat nuk tatohen nga askush... 'Nga kriminaliteti vuajnë Serbia dhe Kosov'", sqaron Bühler. Popullsia lokale sipas mendimit të gjeneralit gjerman është e pajtimit që forcat ndërkombëtare, por jo edhe policia kosovare, të ndërhyjë kundër radikalëve dhe kriminelëve, të cilët frikësojnë njerëzit", nënvizohet në gazetën "Frankfurter Allgemeine Zeitung", e cila po në të njëjtin numër (03.08.2011) boton edhe një portret të gjeneralmajorit gjerman Erhard Bühler.

Autor: faz, nzz / Esat Ahmeti

Redaktoi: Vilma Filaj-Ballvora