1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Studimi në Gjermani

Shtypi gjerman për rrezikun për falimentim të bankës Nordbank

default

Në shtypin gjerman të së martës gjen jehonë paketa e shpëtimit e landeve të Hamburgut dhe Schleswig-Holschtein-it për Nordbank, të rrezikuar nga falimentimi.

Gazeta "Frankfurter Allgemeine Zeitung" komenton:

"Landet e Schleswig-Holshteinit dhe të Hamburgut ende nuk kanë falimentuar - ndërsa banka e tyre HSH Nordbank po. Për shpëtimin e saj të dyja landet duhet të japin një kapital shtesë prej 3 miliardë eurosh si dhe një garanci prej 10 miliardë eurosh. Mos vallë disfata e bankave s´po merr fund? (...) Ndoshta do të duhej që kjo bankë të likujdohej, në vend që të gjitha institucionet e rrezikuara të shpallen si relevante për sistemin. Tek e fundit secili e di, që banka të tilla si ato të landeve janë të tepërta. Në fund ai që paguan është taksapaguesi. Për financat solide të shtetit është e rëndësishme, që federata të mos i çlirojë landet nga përgjegjësia. Por për fat të keq federata e blen me transferime të reja financiare, miratimin e landeve, që nuk janë të gjendje të frenojnë borxhet. Kjo bën që ndonjë land të zhytet edhe më shpejt në borxhe të reja."

Ndërsa "Stuttgarter Zeitung" shkruan:

"Vetëm mund të shpresojmë, që landet të mos nxitohen me operacionet për shpëtimin e bankave. Tashmë në landet që shtrihen përgjatë Balltikut dhe Detit të Veriut po qarkullon fantazma e falimentimit. Ndoshta ky shqetësim është i ekzgjaruar, por megjithatë mbetet frika, se mund të humbasin miliarda para nga taksat dhe tek e fundit gjithësesi do të na duhet të vajtojmë për njëbankë të falimentuar. Nëse shteti pra ndihmon, sepse s´mund të bëjë ndryshe, atëherë në të ardhmen ai duhet ta marrë më seriozisht detyrën e kontrollit dhe të kujdeset, që menaxherët e Nordbank-ës ta rivendosin sërish institutin e tyre mbi baza të shëndosha. Një gjë e tillë kushton vende pune e në radhë të parë një orientim të ri të biznesit: larg aventurave financiare dhe me përqëdnrim tek detyrat thelbësore, paçka se këto sjellin më pak fitim."

  • Data 25.02.2009
  • Autor VFB
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/H0wS
  • Data 25.02.2009
  • Autor VFB
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/H0wS