1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Studimi në Gjermani

Shtypi gjerman për agjentët gjermanë në Irak

gazeta gjermane

Në lidhje me punimet e komisionit parlamentar për veprimtarinë e Shërbimeve Sekrete Gjermane në Irak gazeta "Landeszeitung" që botohet në Lüneburg shkruan:

"Në fakt mund të diskutohet nëse jo-ja e qeverisë së koalicionit mes socialdemokratëve dhe ekologjistëve ndaj luftës në Irak ishte aq e qartë sa thuhej atëhere. Por edhe në rast se dy agjentët e BND-së kanë zbuluar se një fabrikë armësh maskohej si shkollë, kjo s'do të thotë pjesëmarrje në luftë. Por lëvdatat e ushtarakëve amerikanë i bëjnë të tingëllojnë informacionet e agjentëve gjermanë, që asokohe nuk kishin mundur të dilnin as pa i njohur kush prej ambasadës, sikur të ishin vendimtare për luftën. Një gjë e tillë tingëllon e ekzagjeruar. Në rast se sjellim në kujtesë se ish-gjeneralët sot angazhohen si lobiistë të Shtëpisë së Bardhë, atëhere ideja e një akti hakmarrjeje ndaj koalicionit mes social-demokratëve dhe ekologjistëve duket edhe më e mundshme. Jo e pastër është edhe përpjekja e të djathtëve për ta dëmtuar Shtainmajerin në fazën paraelektorale, sepse në vitin 2003 pikërisht ata kërkonin prej qeverisë së koalicionit mes social-demokratëve dhe ekologjistëve që t'u shiste armë SHBA-ve. "

Kurse "Süddeutsche Zeitung" shkruan:

"Gjermania nuk ka ndjekur ndonjë politikë që do të meritonte të quhej lojë e dyfishtë. Eshtë dhe mbetet fakt që ndryshe nga Bleri apo Berluskoni, Shrëderi nuk dërgoi ushtarë në Irak. Por njëkohësisht duhet thënë se bashkëpunimi mes shërbimeve sekrete gjermane dhe atyre të SHBA-ve nuk ishte edhe kaq i parëndësishëm sa duan ta paraqesin Shtajnmajeri dhe co. Qeveria e pranoi këtë kooperim për të mos i përkeqësuar më tej raportet me SHBA-në."

(AUD)

  • Data 19.12.2008
  • Autor pp
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/GJl9
  • Data 19.12.2008
  • Autor pp
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/GJl9