1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Studimi në Gjermani

Shtypi gjerman i së premtes

default

Nisur nga shifrat pozitive të bilancit për muajin janar kryesia e bankës gjermane Deutsche Bank ka marrë zemër që një herë për një herë të mos marrë para shtetërore për përballimin e krizës. Megjithatë kjo bankë ka humbur prej krizës rreth 3,9 miliardë euro, duke regjistruar në këtë mënyrë humbjen e parë që prej përfundimit të Luftës së Dytë Botërore. Për t'iu kundërvënë këtyre humbjeve, shefi i kryesisë së kësaj banke Ackermann tha se ka ndër mend të ristrukturojë sistemin e investimeve bankare të Deutsche Bank. Kjo është edhe një nga temat e shtypit të sotëm gjerman.

Gazeta "Märkische Oderzeitung" shkruan:

"Kriza financiare po i prek bankat edhe kur ato vetë nuk kanë faj. Gjithsesi shkaku kryesor i humbjeve të bankës Deutsche Bank është se kryetari i kryesisë së kësaj banke, Josef Ackermann u bazua shumë në investime bankare të rrezikshme. Tani ai thotë se ka ndër mend që ta rigjallërojë sërish këtë pjesë të biznesit, duke thënë se kjo ishte një gjë e mirë që e tregoi veten. Pretendime të tilla janë farsë dhe minusi do të kishte edhe më i madh, sikur kjo bankë të mos kishte hequr dorë prej aksioneve në degë të ndryshme të industrisë. Kancelarja Merkel duhet ta zëvendësojë sa më shpejt, Josef Ackermann-in, këshilltarin e saj për krizën financiare."

Kurse "Hessische Niedersächsische Allgemeine" shkruan :

"Bankierët e Deutsche Bank blenë fillimisht bankën Norisbank dhe më vonë edhe Postbank, por idenë që të bazoheshin tek paratë e klientëve privatë e kishin edhe banka të tjera. Bankat kanë nevojë urgjente dhe janë duke kërkuar me të gjitha forcat klientë që t'u besojnë kursimet e tyre, sepse në këtë periudhe krize ato nuk kanë besim tek njëra-tjetra. Por biznesi me klientët privatë nuk mund të konkurrojë me fitimet prej biznesit të investimeve bankare. Prandaj ajo që do të pasojë është një konkurencë më e fortë që do ta pakësojë marzhin e fitimit të instituteve bankare. Ajo që mbetet pa përgjigje është pyetja, se ku do të nxjerrë fitime në të ardhmen banka Deutsche Bank?"

  • Data 06.02.2009
  • Autor PP
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/GoSk
  • Data 06.02.2009
  • Autor PP
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/GoSk