Shqipëria - nga vendi i shqiponjave në vendin e ullinjve | Ballkani | DW | 13.11.2008
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

Shqipëria - nga vendi i shqiponjave në vendin e ullinjve

Një nismë e saposhpallur nga Kryeministri Berisha synon të katërfishojë sasinë e rrënjëve të ullirit në Shqipëri. Pritet mbjellja e 20 milionë fidanëve të ullirit.

default

Konsumatorët e vajit të ullirit në Shqipëri ende të pandërgjegjësuar për vlerën vajit të ullirit që prodhohet në vend

Pozicioni gjeografik i Shqipërisë e rendit atë në vendet mesdhetare, të njohura në të gjithë botën për kultivimin e ullirit, shijen dhe cilësinë e vajit. Shifrat zyrtarte flasin për rreth 5 milion rrënjë ullinj në shkallë vendi, kryesisht në rrethin e Vlorës, Sarandës, Delvinës, Mallakastrës deri në ato të Elbasanit dhe Tiranës. Nga kjo shifër, vetëm 3 milion 500 mijë rrënjë janë në prodhim, me një prodhim mesatar në vit prej 40 mijë ton.

Berisha.jpg

Sali Berisha

Por një nismë e saposhpallur nga Kryemnistri Berisha synon ta katërfishojë sasinë e rrënjëve të ullirit në Shqipëri. Nisma merret ne kuadër të programit për zhvillimin e bujqësisë. Berisha: " Do të hartojmë me shpejtësi një program, që do të bëjë të mundur mbjelljen e 20 milion fidanëve të ullirit. Të gjithë ata që duan të krijojnë plantacione t´u ofrohet sipërfaqja me një euro në djerrina. Krahas kësaj çertifikimi i vajit të ullirit do të marrë përparësi të madhe." tha dje kryeministri Berisha, në mbledhjen e qeverisë.

Olivenbaum Olea europaea Oleaceae Oliven Olive tree

Synohet kthimi në vend eksportues të vajit të ullirit

Nisma për të mbjellë 20 milionë fidanë do të konkretizohet hap pas hapi duke filluar nga identifikimi i sipërfaqjeve të përshtatshme për të kultivuar këtë kulturë dhe deri tek tërheqja e fermerëve vendas apo investitorëve të huaj me çmimin e nismës" Shqipëria një euro".

Me 25 milionë ullinj Shqiperia synon të kthehet nga një vend importues i vajit të ullirit në një vend eksportues. Sipas të dhënave nga Instituti i Statistikave Shqipëria eksporton në vit 20.873 ton vaj ulliri dhe importon 363 314 ton. Por konsumatorët e vajit të ullirit në Shqipëri nuk janë të ndërgjegjësuar ende për një gjë të rëndësishme: ata nuk e dinë që produkti vendas është më i mirë, më i pastër, më i sigurt sesa se i importuari.

Për realizimin e nismës së mbjelljes së 20 milion fidanëve të ullirit qeveria e Tiranës do të kërkojë edhe mbështetjen e vendeve mesdhetare të njohura për traditat e pasura në kultivimin e kësaj kulture.

Një Shqipëri me 25 milion rrënjë ullinj, në raport me sipërfaqjen e saj të vogël, do të bënte që ne vitet e ardhme, ajo të njihej jo vetëm si deri më sot, si "vendi i shqiponjave", por ka të ngjarë edhe si " vendi i ullinjve".




  • Data 13.11.2008
  • Autor Ani Ruci
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/FthQ
  • Data 13.11.2008
  • Autor Ani Ruci
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/FthQ