1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

Shqipëria dhe Greqia bashkëpunojnë për shuarjen e zjarreve në të dyja anët e kufirit

Forca speciale dypalëshe kanë bashkëpunuar për shuarjen e zjarreve në kufirin e përbashkët. Një avion shpëtimi dhe tri helikopterë grekë kanë marrë pjesë në operacion.

Helikopterë shuajnë zjarre në Greqi

Helikopterë shuajnë zjarre në Greqi

Zjarret massive që po vijojnë të djegin mijëra pemë e bimësi, kanë përfshirë vijën kufitare prej Ersekës, Kolonjës, Përmetit. Mali i Gramozit është prej gati katër ditësh në flakë. Përfaqësues i komunës së Kolonjës, Përparim Nurellari:

„Kemi katër ditë. Faktikisht, për hir të së vërtetës, punonjësit e pyjores e sidomos të policisë kanë qënë bashkë me ne. Po ashtu një ndihmë të madhe na kanë dhënë edhe zjarrëfikëset e shtetit grek. I janë përgjigjur thirrjes sonë, pothuaj për një orë, një orë gjysëm janë ngritur helikopterët.“

Zjarret kanë hyrë në thellësi edhe të teritorit grek, ku vetëm gjatë një dite janë djegur e shkatëruar mbi 500 ha dëme në pisha e bredha, si dhe janë shkaktuar dëme të jashtëzakonshme materiale në florën e faunën e rajonit. Për shuarjen e tyre është dashur bashkëpunimi me palën greke. Në operacione kanë marrë pjesë forcat speciale nga të dy vendet, ndërkohë që një avion shpëtimi dhe tre helikopterë grekë kanë qenë pjesë e operacionit. Spiro Ksera, prefekti i rretheve jugore

„Dua t’ju them se zjarrfikëset erdhën për herë të dytë nga pala greke, me ndërhyrjen e ministrit të brendshëm Bujar Nishani, erdhi edhe helikopteri për herë të dytë. Efektivat janë të gatshme, makineritë janë të gatshme, të shpresojmë që fund i gushtit të na gjejë me sa më pak zjarre.“

Bashkëpunimi dypalësh realizohet mbi bazën e një protokoll -marëveshjeje të firmosur dy vjet më parë për ndihmë e ndërhyrje në raste zjarresh dhe

emergjencash civile.

  • Data 15.08.2008
  • Autor Odise Kote/Gjirokastër
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/ExpI
  • Data 15.08.2008
  • Autor Odise Kote/Gjirokastër
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/ExpI