1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Bota

Shpëtohen minatorët e parë të ngujuar në minierë në Kili

Në Kili ka filluar me sukses shpëtimi i 33 minatorëve, që kanë mbetur të bllokuar prej më shumë se dy muajsh në 600 metra thellësi në një minierë në shkretëtirën kiliane, Atacama.

default

Ka filluar me sukses shpëtimi i 33 minatorëve

Ashensori në formë tubi të gjerë vetëm 65 cm i quajtur "Phoenix 1" ka nxjerrë mbi tokë minatorët e parë. Minatorët e nxjerrë tani duket të jenë në gjendje të mirë shëndetësore. Nëse aksioni vazhdon me këtë ritëm, atëherë në çdo orë do të nxirret një minator.

Ashensorit në formë tubi i duhen 15 minuta për të kaluar 600 metra nga thellësia në sipërfaqen e tokës. Aksioni shpëtimtar më i gjatë dhe i ndërlikuar në historinë e minierave po përcillet me interesim të madh në mbarë botën. Pjesëtarë të familjeve, ekipe të shpëtimit dhe vetë presidenti i Kilit Sebastián Piñera shoqëruan me brohoritje gëzimi kthimin e minatorëve të parë.

Chile Bergung Rettung der Minenarbeiter Flash-Galerie

"Kili është i lumtur. Minatorët nuk kanë qenë asnjëherë vetëm. I mbarë Kili ishte në çdo minutë gjatë këtyre 69 ditëve me mendjen tek ata. Tani po i afrohemi një fundi të mirë. I mbarë vendi është thjesht mirënjohës!", tha presidenti Piñera.

Minatorët kanë mbetur brenda qysh më 5 gusht, si pasojë e një shembjeje në minierën e arit dhe të bakrit në San Jose Copiago. Ky është rasti i parë që njerëzit të kenë mbetur të ngujuar për një kohë kaq të gjatë në thellësi të nëntokës.

Autor: dw/ Esat Ahmeti

Radaktoi: aj/aca

  • Data 13.10.2010
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/PdKI
  • Data 13.10.2010
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/PdKI