1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

FOKUS

SHBA në rrezik zhvleftësimi prej agjencive të vlerësimit të bonitetit

Lufta politike për rritjen e tavanit të borxhit maksimal në SHBA po merr përmasa dramatike. Agjencia e vlerësimit të bonitetit Moody's kërcënoi me shfuqizimin e notës maksimale të bonitetit për SHBA-në.

Logoja e agjencisë Moody's në Nju Jork

Logoja e agjencisë Moody's në Nju Jork

Për shkak të grindjes mbi buxhetin në SHBA agjencia amerikane e vlerësimit të bonitetit Moody's vë në pikëpyetje aftësinë kredituese të ekonomisë më të madhe në botë. Kjo sipërmarrje, sipas të dhënave të veta, është duke verifikuar mundësinë e heqjes së notës maksimale "AAA" për bonot e thesarit në SHBA. Agjencia Moody's jep si argument paaftësinë deri tani të presidentit Barack Obama, për të arritur një marrëveshje në grindjen mes demokratëve nën drejtimin e tij dhe republikanëve në opozitë lidhur me rritjen e tavanit të borxhit maksimal nga 14,3 bilionë dollarë që është aktualisht - afërisht 10,1 bilionë euro. Bllokimi politik, sipas Moody's e shton rrezikun, që të mos mund të rritet kufiri maksimal i borxhit brenda afatit të duhur deri më 2 gusht. Kësisoj ka "një rrezik të vogël, por në rritje" për mungesë të përkohshme të aftësisë së pagesës të SHBA-së.

"Një rënie e aftësisë së pagesës, pavarësisht se për sa kohë, do ta ndryshonte rrënjësisth vlerësimin e Moody's mbi përpikmërinë e pagesave të ardheshme", tërheq vëmendjen agjencia. Nota "AAA" nuk do të ishte e përshtatshme për një periudhë më të gjatë. Në mes të prillit agjencia e SHBA për vlerësimin e bonitetit Standard & Poor's kërcënoi me shfuqizimin e vlerësimit maksimal për bonot e thesarit të SHBA-së.

Një agjenci kineze e vlerësimit të bonitetit do ta zhvleftësojë edhe më tej aftësinë e pagesës së SHBA-së

Pamje simbolike

Pamje simbolike

Krahas agjencive amerikane edhe tek agjencia kineze e vlerësimit të bonitetit Dagong ka nisur të humbasë besimi ndaj ekonomisë së SHBA-së. Madje edhe sikur Kongresi dhe Shtëpia e Bardhë të bien dakord për rritjen e kufirit të borxhit maksimal, ka gjasa që të bjerë kredibiliteti ndaj aftësisë kredituese të SHBA-së, thuhet në një dokument të publikuar të enjten (14.07.2011)në Pekin. Qeveria e SHBA-së "nuk ka një koncept bindës për uljen e deficitit shtetëror".

Dagong, një ndër agjencitë kryesuese në Kinë, e pati vlerësuar aftësinë kredituese të SHBA-së qysh në nëntor shumë më të ulët në krahasim me agjencitë e tjera ndërkombëtare nga "AA" në "A+". Udhëheqja kineze si kredituesja më e madhe e huaj në SHBA është e shqetësuar për krizën e borxheve në SHBA. Sipas të dhënave të Ministrisë amerikane të Financave Republika Popullore e Kinës në prill kishte dhënë 1, 152 bilionë dollarë për bonot e thesarit.

Pamje nga raundi i katërt i bisedimeve mes demokratëve dhe republikanëve të mërkurën (13.07.) në mbrëmje

Pamje nga raundi i katërt i bisedimeve mes demokratëve dhe republikanëve të mërkurën në mbrëmje

Një fundjavë e nxehtë në vend të marrëveshjes

Në shtëpinë e bardhë nuk pati asnjë përparim as në raundin e katërt të bisedimeve mes demokratëve dhe republikanëve të mërkurën(13.07) në mbrëmje. Përkundrazi pati edhe më shumë tension mes Obama-s dhe opozitës. Presidenti i Dhomës së Përfaqësuesve të dominuar nga republikanët, John Boehner, duhet t'i ketë refuzuar propozimet e qeverisë për kursime duke i etiketuar ato si "proçka dhe trukim bilancesh". Televizioni CNN njoftoi, se Obama ka replikuar me kolegun e partisë së Boehner-sit, republikanin Eric Cantor. Më pas ai e ka ndërprerë takimin dhe është larguar i indinjuar nga salla. Sipas njoftimeve të pakonfirmuara Obama, thuhet të ketë deklaruar, se ai nuk do të lëshojë më pe, edhe sikur me këtë të rrezikojë presidencën e vet.

Kongresi i SHBA-së prej muajsh grindet lidhur me rritjen e tavanit ligjor të borxhit maksimal. Pragu prej 14,3 bilionë dollarësh është arritur në maj, por përmes ndryshimeve në bilance qeveria mund të fitojë më shumë kohë.

Banka e rezervave në SHBA paralajmëron nga rreziku mbarëbotëror i një reaksioni zinxhir

Obama i gatshëm për shkurtime voluminoze

Obama i gatshëm për shkurtime voluminoze

Republikanët duan të lejojnë borxhe të reja vetëm nëse njëkohësisht vendosen kursime në masë. Kampi demokrat i Obama-s është i gatshëm parimisht për shkurtime voluminoze, duke rritur njëkohësisht taksat për të pasurit. Republikanët janë kundër kësaj. Të enjten (14.07) bisedimet vazhdojnë. Nëse ato dështojnë, SHBA-ja kërcënohet nga mungesa e aftësisë së pagesës. Kjo do të "shkaktonte një reaksion zinxhir në të gjithë sistemin global të financave", tërhoqi vëmendjen shefi i Bankës së Rezervave Ben Bernanke gjatë një seance dëgjimi në kongres. Ekonomia e SHBA-së do të zhytej në një krizë të thellë.

Agjencia e vlerësimit të bonitetit Fitch nuk ka besim tek Greqia

As grekët nuk po avancojnë me përpjekjet e tyre për kursime dhe sipas FMN-së duhet të përgatiten për një recesion më të ashpër, nga sa pritej. Pavarësisht programit të kursimeve borxhet do të riten edhe më shumë, thuhet në Uashington.

Pamje simbolike

Pamje simbolike

Sipas FMN-së rendimenti ekonomik në Greqi sivjet do të tkurret me rreth 3,8%. Deri tani FMN-ja parashikonte një minus me 3,0%. Agjencia e SHBA-së për vlerësimin e bonitetit Fitch aftësinë kredituese të Greqisë të mërkurën (13.07) e klasifikoi edhe me një notë më poshtë. Kjo agjenci i dha Greqisë notën "CCC", që do të thotë në prag të humbjes së aftësisë së pagesës.

Në qershor agjencitë Moody's dhe Standard & Poor's vendosën në mënyrë të ngjashme. Fitch në radhë të parë kritikon faktin, që deri tani nuk ka një paketë shpëtimi bindëse për Greqinë as nga BE-ja dhe as nga FMN-ja.

Autorin: S. Eickenfonder / V.Filaj-Ballvora (mit rtr, dadp, dpa afp)

Redaktoi: Esat Ahmeti

DW.COM