1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Gjermania

SHBA dhe Gjermania nënshkruajnë marrëveshje për luftimin e terrorizmit dhe krimeve

Gjermania dhe SHBA duan të shkëmbejnë më shumë informacione në luftën kundër terrorizmit dhe kriminalitetit ndërkombëtar.

Marrje e shenjave të gishtave

Marrje e shenjave të gishtave në Gjermani

Mes SHBA dhe Gjermanisë në të ardhmen do të jetë i mundur shkëmbimi më i lehtë i informacioneve, për luftimin e terrorizmit dhe kriminalitetit ndërkombëtar. Marrëveshje të tilla janë nënshkruar në vitin 2005 me shtate shtete të tjera evropiane. Megjithatë, për shkak të përvojave të kaluara me aktivitetet ilegale të CIA-s amerikane, ministri i brendshëm Wolfgang Scheuble tha se edhe në marrëveshjen e re ka dalë domodoshmëria e ruajtjes së të dhënave përsonale. "Dua t'ju kujtoj se me rastin e nënshkrimit të marrëveshjes është marrë parasysh edhe ruajtja e të dhënave përsonale", thotë ai.

Ministri i punëve të brendshme, Wolfgang Schäuble

Ministri i punëve të brendshme, Wolfgang Schäuble

Ndërsa ministrja e drejtësisë Brigitte Zypris, theksoi se rregullat për ndihmën juridike nuk janë prekur fare. Sipas marrëveshjes më të re, SHBA mund të kontrollojnë nëse në Gjermani janë futur në memorje gjurmët e gishtërinjëve për përsona të caktuar. "Pra mund të shtrohet pyetja nëse ne kemi të dhëna për përsonat e kërkuar, dhe më pas mund të fillojë procedura e rregullt ligjore, ku do të respektohen të gjitha normat", thotë ajo.

Kontroll në aeroport

Kontroll në aeroport

Aktualisht nuk bëhet fjalë për të ashtuquajturat gjurmë gjenetike të gishtërinjëve, sepse nuk është krijuar baza ligjore për këto të dhëna. Minstri amerikan i brendshëm, Machael Chertoff tha se këto të dhëna nuk ekzistojnë në Amerikë, sepse Amerika ende në këtë fushë nuk i ka arritur standardet evropiane. "Ne jemi duke luftuar kundër një armiku të ndërlidhur ndërkombëtar. Prandaj edhe ne duhet të krijojmë lidhje ndërkombëtare", pohon ministri amerikan.

Ministrja gjermane e drejtësisë, Brigitte Zypries

Ministrja gjermane e drejtësisë, Brigitte Zypries

Marrëveshja mundëson partnerët që të paralajmërojnë për persona të dyshuar për lidhje me rrjetet terroriste apo për krime të rënda. Ekspertët gjermanë paralajmërojnë se marrëveshja është në interesin e luftimit të këtyre dukurive, por ajo që duhet patur kujdes është ruajtja e të dhënave përsonale. Kjo çështje do të debatohet edhe në këshillimet parlamentare, para se ai të miratohet në Bundestag.









DW.COM

  • Data 12.03.2008
  • Autor Peter Stützle
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/DMm6
  • Data 12.03.2008
  • Autor Peter Stützle
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/DMm6