1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Bota

'Shanset nga kriza t'i shfrytëzojmë edhe për marrëdhëniet gjermano-ruse'

Kancelarja gjermane Angela Merkel dhe presidenti rus Dmitri Medvedev në takimin e tyre në Soçi të Detit të Zi ranë sot dakord për thellimin e partneritetit ekonomik.

Kancelarja gjermane Angela Merkel dhe presidenti rus, Dmitri Medvedjev gjatë takimit në Soçi

Kancelarja gjermane Angela Merkel dhe presidenti rus, Dmitri Medvedjev gjatë takimit në Soçi

"Projekt inteligjent" mundësia e përfshirjes së Rusisë në kantierët e anijeve Vadan

Për zhvillimin e marrëdhënieve ekonomike të të dy vendeve duhen shfrytëzuar "shanset nga kriza", tha Merkeli. Ajo e cilësoi "projekt inteligjent" mundësinë e përfshirjes së Rusisë në kantierët gjermanolindore të ndërtimit të anijeve Vadan, të falimentuara. Këtu po krijohet një bashkëpunim, të cilin "ne nga ana e qeverisë duam ta shoqërójmë", tha Merkeli pas takimit me rezidencën verore të Medvedjevit.

'RFGJ ka preferencë për propozimet e Magnës, në të cilat një pjesë është kooperimi me Rusinë.'

Lidhur me kötë konferencën e përbashkët për shtyp me presidentin rus Medvedev Merkel u shpreh.

"Përsa u përket kantiereve gjermanolindore të ndërtimit të anijeve Vadan, këtu po nis një bashkëpunim, që perderisa është e domosdoshme, fjala këtu është për investime private, duam t'i shoqërojmë edhe nga ana e qeverisë gjermane. Ne kemi folur për GM dhe Opelin edhe për pjesëmarrjen e Rusisë në këtë projekt, dhe unë kam bërë edhe një herë të qartë se RFGJ ka një preferencë të lartë për propozimet e Magnës, në të cilat një pjesë është kooperimi me Rusinë."

'Në Gjermani u gëzuam shumë për rritjen ekonomike'

Në një bisedë paraprake me Medvedevin sot para dite Merkel tha para përfaqësuesve të shtypit:

"Mendoj se do të flasim për situatën ekonomike. Ne në Gjermani u gëzuam shumë kur dëgjuam dje, që edhe pse në një nivel të ulët në tremujorin e fundit është shënuar një rritje e vogël. Dhe unë mendoj se këto shanse nga kriza ne duhet t' shfrytëzojmë edhe për zhvillimin e marrëdhënieve gjermano-ruse."

Autor: Ina Verbica/ dpa

Redaktoi: Auron Dodi

  • Data 14.08.2009
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/JBb8
  • Data 14.08.2009
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/JBb8