1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

Serbi-Kroaci: fqinjësi e vështirë

Shtypi gjerman: fqinjë të vështirë në Ballkan, Kroacia bllokon rrugën e Serbisë për në BE

Ndërkohë që ende nuk po duket ndonjë zgjidhje për njohjen e Kosovës, Serbisë i shfaqet rrugës drejt BE-së edhe një tjetër pengesë. Kroacia javën e shkuar deklaroi, se do ta bllokojë hapjen e kapitullit 23, lidhur me drejtësinë dhe të drejtat themelore, në procesin e bisedimeve të Serbisë me BE-në, për aq kohë sa Beogradi nuk pranon të bashkëpunojë pa kufizime me Tribunalin e Hagës. Veç kësaj Kroacia kërkon që Serbia të shfuqizojë një ligj nga viti 2003, që i jep kompetenca universale drejtësisë serbe brenda dhe jashtë territorit të saj, dhe që pakicës kroate t'i garantohet një përfaqësim i vazhdueshëm në Parlamentin e Beogradit.

Gazeta "Frankfurter allgemeine Zeitung" duke iu referuar rastit të konflikitit në kufirin detar mes Kroacisë dhe Sllovenisë - kjo e fundit e pati bllokuar jgithashtu Kroacinë në biseidmet me BE-në - parashikon, se grindja serbo-kroate nuk do të zgjidhet lehtë. Beogradi e ndien bllokadën kroate si "poshtërim". "Serbia është vënë në dijeni për pozicionin e Republikës Kroate", thuhet në një deklaratë në fundjavë të kryeministrit serb Aleksandar Vuçiç: "Ajo nuk do të lejojë, që t'i bëhet në ndonjë mënyrë presion, të poshtërohet e të nënçmohet." Serbia asnjëherë nuk do të pranojë një ultimatum. ... Ashtu si edhe në rastin e bllokadës sllovene, do të varet tani nëse Komisioni i BE-së do t'ia dalë që të ushtrojë mjaftueshëm presion, për t'i lëvizur drejt lëshimeve nga njëra anë Zagrebin dhe nga ana tjetër Beogradin. Interesi i BE-së është i madh, që në përgjithësi antarësimi i Serbisë në BE të vlejë si një premisë për stabilizimin afatgjatë të Ballkanit, shkruan "Frankfurter Allgemeine Zeitung".

Gazeta zvicerane "Neue Zürcher Zeitung" për këtë temë nënvizon, se ashtu si Sllovenia e Greqia tani edhe Kroacia po e keqpërdor anëtarësinë në BE për të ushtruar presion ndaj vendit fqinj. Analisti Andreas Ernst e sheh si një ogur jo të mirë këtë për integrimin e Ballkanit Perëndimor në BE: Beogradit i duhet të presë edhe më tej për dritën e gjelbër, që të mund të fillojë bisedimet e antarësimit me BE-në. Në tyrezë janë shtruar për diskutim kapitujt 23 dhe 24, që kanë si objekt shtetin ligjor dhe të drejtat e njeriut. Në një kohë që Komisioni i BE-së dhe të tjerë vende anëtare prefrojnë fillimin e bisedimeve, Zagrebi i bllokoi të premten (08.04)bisedimet.