1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

NRS-Import

Seanca e dytë e jashtëzakonshme për Kosovën në Këshillin e Sigurimit

Pas shpalljes së njëanshme të pavarësisë nga Kosova Rusia kërkoi të hënën një seancë të dytë të jashtëzakonshme të Këshillit të Sigurimit. Disa shtete të këtij forumi të OKB-së janë kundër pavarësisë.

default

Pamje nga seanca e jashtëzakonshme e Këshillit të Sigurimit për Kosovën

Një ditë pas shpalljes së pavarësisë nisi vala e njohjes së Kosovës nga vende të ndryshme, e cila ndonëse me ritme të ngadalta rrjedha e saj është e sigurtë: Belgjika, Franca, SHBA dhe Britania e Madhe deklaruan njohjen e shtetit të ri. "Në Evropë po krijohet një shtet i ri kundër vullnetit të ish-shtetit amë dhe të një fuqije me të drejtë vetoje." Kështu u shpreh sër Xhon Sauers në emër të Britanisë së Madhe. Kolegu i tij nga Uashingtoni, ambasadori i SHBA në OKB Khalilzad, u shpreh edhe më qartë: "Ne e urojmë Kosovën dhe e përshëndesim në familjen e kombeve."
Unabhängigkeit Kosovo Serbiens Außenminister Vuk Jeremic nach dem Treffen des UN Sicherheitsrates

Vuk Jeremic, MPJ i Serbisë duke folur pas seancës së Këshillit të Sigurimit

Presidenti i Serbisë Boris Tadiç ndiqte seancën me mimikë të ngrirë në fund të tryezës në formë uje. Krahas aleates së Serbisë Rusisë hapin e Prishtinës e dënuan edhe Kina, anëare e KS me të drejtë vetoje, si dhe Indonezia, Vietnami dhe Afrika e Jugut. Tadiç ripërsëriti jo-në këmbëngulëse dhe sërish kërkoi anullimin e shpalljes së pavarësisë.

Unabhängigkeit Kosovo Serbiens Präsident Boris Tadic im UN Sicherheitsrat

Presideti serb Boris Tadiç duke folur në seancën e Këshillit të Sigurimit

Ministri i jashtëm serb Jeremiç deklaroi: "Sot ne u bëmë dëshmitarë të një shteti që ndahet për motive etnike dhe që njihet ndërkombëtarisht në kufijtë e tij, pikërisht në godinën e OKB-së kjo u interpretua si një normë e pranueshme. Serbia nuk do ta pranojë dhe do ta luftojë këtë me çdo mënyrë diplomatike, politike dhe në çdo nivel ndërkombëtar." I pakënaqur nga vendimi është jo vetëm presidenti serb Tadiç, por edhe ambasadori i Rusisë në OKB-së, Vitali Çurkin. Moska e konsideron këtë si një konfrontim. Sekretari i Përgjithshëm i OKB-së Ban Ki Mun sinjalizoi, se misioni i BE-së mund të funksionojë mbi bazën e rezolutës ekzistuese për Kosovën: "Unë e marr në konsideratë, që në kontekstin e operacionit të OKB-së të përcaktohet një rol më i fuqishëm i BE-së në Kosovë."

  • Data 19.02.2008
  • Autor Rainer Sütfeld
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/D9lA
  • Data 19.02.2008
  • Autor Rainer Sütfeld
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/D9lA