1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Evropa

Sarkozi në Dublin - BE nuk do të ushtrojë presion ndaj Irlandës

Presidenti i radhës i Këshillit të Evropës dhe presidenti francez, Nikola Sarkozi ka zhvilluar në Irlandë bisedime për procedimin e mëtejshëm pas JO-së së popullit irlandez ndaj marrëveshjes për reformimin e BE-së.

Nicolas Sarkozy zhvillon bisedime në Irlandë. Djathtas kryeministri irlandez, Brian Cowen

Nicolas Sarkozy zhvillon bisedime në Irlandë. Djathtas kryeministri irlandez, Brian Cowen

Presidenti francez theksoi se BE nuk do të bëjë presion ndaj Irlandës. Por Sarkozi nuk e ka në dorë "formulën magjike" për të nxjerrë reformën nga bllokada. Në Irlandë ai u prit me protesta.

Disa demonstrues kishin planifikuar t'i hidhnin vezë presidentit francez, por nuk morën mirë shënjestër. Ndërsa demonstruesit para selisë qeveritare u lodhën shpejt. Me sa duket zemërimi i popullit nuk ishte aq i madh.

Nikola Sarkozi (Nicolas Sarkozy) në fund u tregua tepër i i qetë. Kjo pas reagimeve të zemëruara gjoja pas kërkesës së tij për të zhvilluar një referendum të dytë në Irlandë. Nuk ka arsye për zemërim tha ai:

"Nuk kam thënë kurrë, që Irlanda duhet të organizojë në referendum të dytë. Kam thënë se herët a vonë irlandezët duhet ta thonë opinionin e tyre."

Këtu ka një ndryshim sipas Sarkozisë dhe ai theksoi edhe njëherë se si kryetar i radhës i presidencës së BE-së, ai e ka për detyrë të kërkojë rrugët e daljes nga kriza.

"Nuk kemi zgjidhje magjike në dorë dhe nuk na lejohet të përzihemi. Ne dëshirojmë që të respektohet vulneti i popullit irlandez."

Nga ana tjetër së bashku me Italinë e kanë ratifikuar ndërkohë 24 shtete marrëveshjen e Lisbonës, edhe vullneti i këtyre shteteve do respektuar. Formula magjike në këtë mes është: Irlandezët kanë nevoje për më shumë kohë për të analizuar problemet e tyre" thotë Sarkozi ndërsa kryeministri irlandez, Kouen (Cowen) thotë se "ne kemi nevojë për kohë për të kuptuar se cilat janë shqetësimet e qytetarëve tanë"

"Mendojmë se një gjë e tillë është thelbësore për të zgjidhur problemet aktuale, kështu që të 27 vendet të jenë të kënaqur."

Tanimë qeveria irlandeze e di se cila ishte arsyeja që populli irlandez tha JO. Një fermer e formuloi thjesht:

"Mendoj se njerëzit nuk ishin të informuar. Pati gjithashtu mjaft tema të tjera që shkaktuan kaos."

Ka zëra në Irlandë që thonë se një referendum i dytë është i mundur, por me kusht që "vendet e tjera të BE-së t'i lenë Irlandës kohë dhe të mos ushtrojnë presion, së dyti të bëhen disa ndryshime në marrëveshjen e Lisbonës, ku secili vend i BE-së të mbajë komisarin e vet në Bruskel. Vetëm pas kësaj mund të bëhet fjalë për një referendum të dytë. Por më shumë për këtë do të dihet në samitin e BE-së në tetor.

  • Data 22.07.2008
  • Autor Barbara Wesel
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/EhhD
  • Data 22.07.2008
  • Autor Barbara Wesel
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/EhhD