1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Bota

Saleh i gatshëm të largohet nga pushteti - SHBA mbështesin propozimin e Këshillit për Bashkëpunim të Gjirit Persik

Presidenti i Jemenit Saleh do të heq dorë nga pushteti. Për këtë atij i garantohet imunitet nga ndjekja penale. Shtetet e Bashkuara të Amerikës e përshendetën hapin e ndërmarrë nga Salehu.

Në foto, Ali Abdullah Saleh

Në foto, Ali Abdullah Saleh

Palët pranojnë në parim propozimin e Këshillit për Bashkëpunim të Gjirit Persik

Pamje nga protestat në Jemen

Pamje nga protestat në Jemen

Pas disa javë trazirash, presidenti i Jemenit Ali Abdullah Saleh pranoi në parim që të heqë dorë nga pushteti. Siç njoftoi kanali televiziv amerikan CNN edhe opozita e pranoi në parim propozimin e Këshillit për Bashkëpunim të Gjirit Persik. Sipas tij Salehut dhe të gjithë atyre që i shërbyen regjimit të tij iu garantohet liria nga ndjekja penale. Megjithatë Saleh nuk e ka nënshkruar ende marrëveshjen e cila parasheh dorëheqjen e tij në një afat brenda 30 ditësh, thuhet në qarqet e larta të ministrisë së Jashtme të Jemenit.

Pushteti fillimisht duhet t'i kalojë zëvendëspresidentit Abed Rabbo Mansur Hadi. Siç njofton kanali televiziv arab i lajmeve Al Xhazira zgjedhja e një presidenti të ri duhet të pasojë pastaj brenda 60 ditësh. Plani parasheh po ashtu krijimin e një qeveria të unitetit kombëtar.

Zëdhënësi i ambasadës së Jemenit në Uashington i deklaroi CNN-it se opozita duhet të pranojë marrëveshjen përfundimtare para se Salehu ta ketë nënshkruar atë. Kundërshtarët e regjimit e kanë përsëritur shumë herë qëndrimin e tyre se e përjashtojnë mundësinë e imunitetit nga ndjekja penale për Salehun dhe familjen e tij.

Opozita kërkon dorëheqjen e menjëhershme të presidentit Saleh

Një grua proteston kundër Salehut

Një grua në Sanaa proteston kundër Salehut

Protestat kundër presidentit po zgjasin më tepër se dy muaj. Mbi 100 njerëz janë vrarë deri tani nga forca e sigurisë dhe ithtarët e Salehut, disa mijëra të tjerë janë plagosur.

Opozita kërkon dorëheqjen e menjëhershme të presidentit i cili sundon në Jemen tash e 32 vjet. Ajo kritikon një pikë të paraparë në planin e Këshillit për Bashkëpunim të Gjirit Persik sipas të cilës parlamenti i vendit duhet të miratojë dorëheqjen e presidentit Saleh. Parlamenti në Sanaa domonihet nga miqët e partisë së Salehut. Zëdhënësi i Lëvizjes së Rinisë opozitare, Chaled al Ansi e hodhi poshtë propozimin e Këshillit: "Ne refuzojmë çdo inciativë e cila nuk parasheh dorëheqjen e menjëhershme të Salehut, djemve dhe të afërmve të tij", tha al Ansi.

Saleh kishte deklaruar së fundi se dëshiron të qëndrojë në pushtet deri në zgjedhjet e ardhëshme të rregullta të parapara për vitin 2013. Me kalimin e kohës ai shprehu gatishmërinë edhe për organizimin e zgjedhjeve të parakohshme deri në fund të këtij viti.

SHBA angazhohen për një ndryshim paqësor të pushtetit në Jemen

Shtëpia e Bardhë në Uashington

Shtëpia e Bardhë në Uashington

Shtetet e Bashkuara të Amerikës përshendeten paralajmërimin për dorëheqje të Salehut. Uashingtoni e mbështet një ndryshim paqësor të pushtetit i cili i përgjigjet përpjekjeve të popullit, thuhet në një deklaratë të Shtëpisë së Bardhë. Shtetet e Bashkuara të Amerikës çmojnë lart gatishmërinë e palëve për tejkalimin paqësor të krizës politike, sqaroi Shtëpia e Bardhë. "Ne inkurajojmë të gjitha palët që të përmbushin shpejt kushtet e marrëveshjes në mënyrë që populli i Jemenit shumë shpejt të mund të përjetojë sigurinë, unitetin dhe mirëqenien për të cilat është përpjekur me aq trimëri dhe i meriton aq shumë."

Autor: Esat Ahmeti (dapd, dpa)

Redaktoi: Mimoza Cika-Kelmendi

DW.COM