1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Bota

Rusia lëshon (pak) pe në çështjen e Sirisë

Regjimi i Sirisë po e humbet gjithnjë e më shumë kontrollin. Lufta po shkallëzon ndërkohë që tani edhe Këshilli i Sigurimit arriti të premten (20.7.) të marrë një vendim, me pëlqimin e Rusisë.

Këshilli i Sigurimit arriti të premten (20.7.) të marrë një vendim, me pëlqimin e Rusisë

Këshilli i Sigurimit arriti të premten (20.7.) të marrë një vendim, me pëlqimin e Rusisë

Rusia ka lëshuar pe. Të paktën në këtë rast. Befasisht të gjitha 15 anëtaret e Këshillit të Sigurimit të OKB votuan për vazhdimin e misionit të vëzhguesve të OKB-së në Siri edhe për 30 ditë. Rusia kishte paralajmëruar para senancës se sërish do të përdorte veton, por pas këshillimeve dhe konsultimeve me qeverinë në Moskë, këtë vendim e kanë mbështetur edhe Rusia dhe Kina. Në mesnatë (20.07.2012) misioni vazhgues do të kishte skaduar. Por pak orë më parë u vendos për vazhdimin e misionit edhe për një muaj, bëri të ditur ambasadori britanik në OKB Lyall Grant.

"Është ky vazhdimi i fundit. Vendimi mund të ndryshojë vetëm në qoftë se në këtë vend do të kishte ndryshime të rëndësishme. Për plotësimin e këtij misioni të domosdoshme janë tërheqja e armëve të rënda dhe ndërprerja e dhunës", theksoi ai.

ARCHIVBILD: The United Nations Security Council meets as current U.N. Security Council President and British Ambassador to the U.N. Lyall Grant reads a Presidential statement agreed to by the Security Council, including Russia and China, on Syria that backs U.N.-Arab League envoy Kofi Annan's bid to end violence that has brought the country to the brink of civil war, at U.N headquarters in New York March 21, 2012. The statement also threatens Syria with further steps if it fails to comply with Annan's six-point peace proposal, which calls for a cease-fire, political dialogue between the government and opposition, and full access for aid agencies. REUTERS/Mike Segar (UNITED STATES - Tags: POLITICS)

UN Sicherheitsrat in New York zu Syrien

Misioni vëzhgues

Misioni vëzhgues është dërguar në Siri para katër muajsh, për të kontrolluar armëpushimin dhe zbatimin e planit paqësor të të dërguarit të posaçëm, Kofi Annan. Por përdorimi masiv i armëve kundër civilëve ka vazhduar edhe pas dërgimit në këtë vend të misionit vëzhgues. Sipas të dhënave të OKB-së, regjimi i Sirisë po përdorë tanke, artileri të rëndë dhe helikopterrë lufte për të sulmuar kryengritësit në vende të banuara. Puna e misionit vazhgues është ndërprerë me 16 qershor, pas shkallëzimit të dhunës.

Nuk ka ndonjë përparim i madh

Ambasadori gjerman në OKB Peter Wittig thotë se zbatimi i planit të Annanit është shumë me rëndësi. Por votimi i fundit në KS nuk duhet të mashtrojë, sepse dallimet mes vendeve perëndimore si dhe Rusisë dhe Kinës ende nuk janë tejkaluar.

"Ky vendim nuk ndryshon faktin që Rusia dhe Kina një ditë më parë kanë votuar kundër rezolutës sonë për Sirinë. Ne shpresojmë se vetoja e dyfishtë, e Rusisë dhe Kinës, nuk do të cënojë planin e Annanit", thotë Wittig.

Syrische Demonstranten fordern am Dienstag (31.01.2012) vor den Vereinten Nationen ein Eingreifen der UN in ihrem Land. Der Sicherheitsrat hat sich bislang noch nicht zu einer Resolution entschließen können, obwohl laut UN-Angaben schon mehr als 5600 Menschen in dem arabischen land ums Leben gekommen sein sollen. Die etwa 100 Demonstarnten beschimpfen den russischen Ministerpräsidenten Wladimir Putin als Mörder, weil Russland jede Lösung blockiere. Foto: Chris Melzer dpa +++(c) dpa - Bildfunk+++

Syrische Demonstranten Vereinte Nationen UN

Rusia dhe Kina për herë të tretë kanë bllokuar një rezolutë të vendeve perëndimore, me të cilën parashikoheshin sanksione më të rrepta kundër Sirisë, në qoftë se regjimi i atjeshëm vazhdon me dhunën.

Ditët e fundit luftimet më të rrepta mes kryengritësve dhe trupave qeveritare janë zhvilluar në Damask. Por, sipas të dhënave të opozitës, kryengritësit kanë futur nën kontroll edhe disa pika kufitare në kufirin me Turqinë dhe Irakun.