1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Bota

Rusia dhe Libia synojnë t'i nxisin marrëdhëniet dypalëshe

Bisedimet synojnë zgjerimin e projekteve në Moskë në të gjitha fushat, para së gjithash në tregti, ekonomi, shkencë dhe teknologji.

Presidenti rus Dmitri Medvedev, dhe Moamar Gadhafi

Presidenti rus Dmitri Medvedev, dhe Moamar Gadhafi

Sipas presidentit rus Dmitrij Medvedjev, negociatat me kreun e shtetit libian Muamar Gadafi do t'i nxisin marrëdhëniet midis dy shteteve. Medvedjev e priti Gadafin të shtunën në Kremlin. Edhe kryeministri rus Vladimir Putin u takua të shtunën me Gadafin për të diskutuar mbi çështje të bashkëpunimit dypalësh. Gadafi shprehu kënaqësi në lidhje me negociatat me presidentin rus Dmitrij Medvedjev. Jam i bindur, që zhvillimi i marrëdhënieve dypalëshe do të ndikojnë pozitivisht mbi situatën ndërkombëtare dhe raportin gjeopolitik të forcave, tha Gadafi. Medvedjev dhe Putin nga ana tjetër deklaruan:

"Dua t'u përshëndes edhe një herë përzemërsisht në Kremlin. Shpresoj që negociatat do të zhvillohen me angazhim dhe në frymë miqësore, sikurse janë sot edhe marrëdhëniet ruso-libiane."

"Kolegëve të mi dhe mua na kujtohet pritja e përzemërt në Tripoli. Së bashku ia dolëm jo vetëm të vendosim marrëdhënie, por të krijojmë dhe një bazë për zhvillimin e marrëdhënieve ruso-libiane në të ardhmen. Tani mund të bisedojmë në rreth të zgjeruar mbi projekte madhore dhe nisma. Jam i bindur që vizita juaj në Moskë do të jetë një stimul i mirë për zhvillimin e marrëdhënieve tona në të gjitha fushat, para së gjithash në tregti, ekonomi, shkencë dhe teknologji."

  • Data 03.11.2008
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/Fmlg
  • Data 03.11.2008
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/Fmlg