1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

NRS-Import

Rritje drastike të çmimit të naftës

Për shkak se rezervave të naftës dhe të gazit një ditë do t'u vijë fundi nuk mbetet rrugë tjetër përveç asaj të energjive të riciklueshme.

default

Ari i zi

Temë qëndrore e gazetave të sotme gjermane është rritja e çmimit të naftës dhe të energjisë.

Në lidhje me të "Mannheimer Morgen" shkruan:

"Ne duhet të mësohemi me çmimet e larta të naftës dhe njëkohësisht ta kuptojmë paralajmërimin që na përcjell ngritja e çmimeve. Sikurse edhe në rastin e përpjekjeve për minimizimin e sasive të CO2 që çlirohen në atmosferë, edhe në rastin e naftsë duhet të mendojmë për alternativa. Kjo sidomos në fushën e transportit, sepse në këtë drejtim do të jetë e vështirë që të gjendet ndonjë substancë që na zëvnedësojë naftën dhe derivatet e saj. Çmimi i naftës me siguri që sërish do të ulet pak. Por para në një aspekt afatgjatë energjia, qoftë në serbatorin e makinës qoftë në prizat e korentit do të shtrenjtohet, madje shumë më tepër se sot.

Gazeta "Pforzheimer Zeitung" vëren:

"Megjithë rritjen në tregun e lëndëve të para çmimi i naftës apo i benzinës nëpër pikat e furnizimit nuk pati ndonjë rritje të jashtëzakoshme, madje tek-tuk edhe ndonjë ulje të lehtë. Pra çmimi i tregut me pakicë nuk ka ndonjë lidhje të drejtpërdrejtë me atë të tregut të lëndëve të para. Por koncernet e mëdha të naftës dhe të energjisë me siguri që do t'i ngrenë çmimet në muajin shkurt, pra sapo të afrohet sezoni i pushimeve për karnavalet dhe nuk do ta kenë të vështirë që të gjejnë një justifikim për këtë. Në një perspektivë afatgjatë në fushën e çmimeve të naftës dhe të benzinës nuk pritet të ketë ndonjë ulje. Instituti gjerman për ekonominë ka përllogaritur se në dhjetë vitet e ardhshme do të kemi një rritje drastike të çmimit të naftës deri në 200 dollarë për barrel. Në këtë drejtim ngritjet e tanishme të çmimit të naftës konsumatorët duhet t'i shohin si paralajmërim për të hequr dorë sa më shpejt nga lëndët djegëse fosile.

Ngjashëm shprehet edhe Ostsee-Zeitung (Rostock):

Një gjë duket e qartë, për shkak se rezervave të naftës dhe të gazit një ditë do t'u vijë fundi edhe në të ardhmen nuk pritet ndonjë rënie e spirales së çmimeve. Për këtë si konsumatorët edhe ekonomitë e të gjitha vendeve duhet të fillojnë të mendojnë që sot për nesër. Dhe në këtë mes nuk mbetet rrugë tjetër përveç asaj të energjive të riciklueshme dhe të kursimit të energjisë.

  • Data 03.01.2008
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/Ck1M
  • Data 03.01.2008
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/Ck1M