1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Bota

"Rrezikshmëri e lartë nga sulmet"- Londra e ngre shkallën e sigurisë para takimit për Jemenin dhe Afganistanin

Para konferencave ndërkombëtare për Jemenin dhe Afganistanin qeveria britanike e rriti shkallën e alarmit në nivelin "rrezik serioz". Shkalla e alarmit përbëhet nga pesë nivele "rreziku serioz" është niveli i katërt.

default

Pamje mbi qendrën e Londrës

Në Britaninë e Madhe mbretëron shkalla e dytë më e lartë e alarmit ndaj rrezikut të një sulmi terrorist. Kjo do të thotë se një sulm i tillë konsiderohet si mjaft i mundshëm, por jo akut.

Arsyeja nuk jepet

Ministri i Brendshëm britanik Johnson nuk donte të jepte sqarime, se përse e kishte ngritur shkallën e alarmit. Rekomandimi për këtë hap kishte ardhur prej Qendrës për Analizimin e Terrorit, analizat e së cilës bazohen kryesisht në të dhënat e shërbimeve sekrete. Ministri i Brendshëm deklaroi:

"Qendra për Analizimin e Terrorit e mban gjendjen në vëzhgim të vazhdueshëm. Ajo merr shumë informacione mbi të cilat bazohen edhe vendimet e saj, informacione nga shërbime sekreta brenda dhe jashtë vendit."

London / Polizei / Sicherheit / Großbritannien

Një polic duke dalë nga një ndërtesë, që është kontrolluar, në Mansfield Street në Londër

Vendimi lidhet ndoshta me informacione të reja lidhur me atentatin, që parashikohej të kryhej ndaj një avioni amerikan, që kishte për destinacion Detroitin. Atentatori i kishte marrë instruksionet në Jemen. Por shkalla e lartë e alarmit ka të bëjë ndoshta edhe me konferencat ndërkombëtare për Jemenin dhe Afganistanin, që zhvillohen në Londër më 27 dhe 28 janar. Në konferencën e së mërkurës (27.01.) do të diskutohet për gjendjen në Jemen dhe veprimin e koordinuar kundër rrjetit terrorist të El Kaida në Gadishullin Arabik. Në konferencën për Afganistanin (28.01.) do të marrin pjesë edhe presidenti afgan Karsai dhe MPJ amerikane Clinton.

Ministri i Brendshëm britanik Johnson i bëri thirrje popullsisë që të shtojë vigjilencën

"Ajo që dua t'i them opinionit publik është që të jetë vigjilent, t'u ndihmojë policisë dhe organeve të sigurimit në punën e tyre. Ne e dimë se vendi ynë kërcënohet prej terrorizmit ndërkombëtar."

Rritja e shkallës së alarmit do të thotë edhe ashpërsim i masave të sigurisë në aeroporte dhe shtim i masave për mbrotjen e ndërtesave, të cilat mund të jenë potecialisht të rrezikuara prej sulmeve terroriste.

Autor: Torsten Huhn/ Pandeli Pani

Redaktoi: Angjelina Verbica

  • Data 25.01.2010
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/Lfsv
  • Data 25.01.2010
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/Lfsv