1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Bota

Rojet iraniane këmbejnë zjarr me marinën amerikane

Varka të Rojeve Iraniane të Revolucionit provokuan në rrugën e Hormusit për pak një shkëmbim zjarri me marinën e SHBA.

Harta e Gjirit Persik dhe vendi ku ka ndodhur incidenti

Harta e Gjirit Persik dhe vendi ku ka ndodhur incidenti

Varkat u qenë afruar në këtë pjesë me rëndësi strategjike të detitt anijeve amerikane dhe i rrethuan ato, bëri të ditur një zëdhënës i ministrisë së mbrojtjes në Uashington. Ato kërcënuan me radio se do t'i hidhnin në erë anijet amerikane, bëri të ditur komandanti i Flotës së Pestë të SHBA, zëvendësadmirali Kevin Cosgriff në një konferencë shtypi: "Varkat avancuan në mënyrë agresive në drejtim të anijeve amerikane. Varkave iu bë thirrje në radio, u lëshuan sirenat e anijeve, gjëra që synonin t'u tregonin se manovrat e tyre po i shqetësonin oficerët e komandës. Në një moment, anijet morën një thirrje kërcënuese me radio, se anijet amerikane do të shpërthenin".

Një kapiten i SHBA për pak sa dha urdhrin për të hapur zjarr. Por anijet u larguan pa ndodhur kjo.

Zëdhënësi i Shtëpisë së Bardhë, Sean McCormak e paralajmëroi me këtë rast Iranin: "Ne i kërkojmë Iranin të heqë dorë nga çdo akt provokimi që mund të çojë në incidente të rrezikshme në të ardhmen. Departamenti i Mbrojtjes mund t'ju japë detaje të tjera lidhur me këtë incident të vecantë. Kryesorja është që anija jonë, pas incidentit, u largua e sigurtë," tha Mc Cormak.

Në një kohë që ushtria amerikane foli për një nga provokimet më të rënda në det prej shumë vitesh, ministria e jashtme iraniane tha se bëhej fjalë për një incident rutinë. Rruga e Hormusit është një nga rrugët më të rëndësishme detare për eksportin e naftës në Evropën Perëndimore dhe në SHBA.

  • Data 08.01.2008
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/CmRi
  • Data 08.01.2008
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/CmRi