1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Evropa

Refugjatët mbi një muaj në grevë urie - Ahtina refuzon legalizimin

Në Greqi 300 imigrantë afrikanoaziatikë kërkojnë përmes grevës së urisë legalizimin e tyre. Pavarësisht nga rreziku i një katastrofe humanitare, qeveria refuzon legalizimin duke synuar të frenojë fluksin e imigracionit.

default

Refugjatët në grevë

Greva e urisë e 300 imigrantëve afrikanoaziatikë të Athinës dhe Selanikut hyri (09.03.2011) në ditët e 44-të dhe jeta e grevistëve ndodhet në rrezik. 104 prej tyre, 86 në Athinë dhe 18 në Selanik, janë transferuar në spital. Ndihma mjekësore u ofrohet grevistëve mes tensionesh me aktivistët në mbrojtje të tyre, dy prej të cilëve u arrestuan nën akuzën se pengojmë grevistët të marrin ushqim. Grevistët marrim vetëm serume glukozë dhe vazhdojnë grevën edhe në spital.

Griechenland Hungerstreik Flüchtlinge 2011

Cipras: Çështja me dimension humanitar

Ditët por edhe orët ngjajnë tashmë dramatike për grevistët por edhe qeverinë, që me gjithë rrezikun e një katastrofe humanitare nuk pranon të plotësojë kërkesën e imigrantëve për leje qëndrimi. “Qeveria duhet të japë zgjidhje se është një çështje me dimension humanitar” deklaroi kryetari i partisë së majtë Siriza Aleksis Cipras.

Internierungslager in Griechenland

Greqia është e mbringarkuar me fluksin e refugjatëve ilegalë, që zbarkojnë në bregdet

Qeveria: Ndërprisni grevën, legalizime nuk ka

Me synim frenimin e fluksit të imigracionit qeveria e thotë hapur se nuk mund të bëjë legalizime masive. Ofron leje qëndrimi vetëm për ata që mund të dokumentojnë 12 vjet qëndrimin e vazhdueshëm, kurse për të tjerët vetëm leje gjashtë mujore me mundësi rinovimi dhe ndihmë financiare për riatdhesim të vullnetshëm. Njëkohësisht u bën apel grevistëve të ndërpresin grevën dhe i kërcënon, në rast të kundërt, me ekstradim në vendet e tyre.



Autor: Niko Anagnosti

Redaktoi: V.Filaj-Ballvora

  • Data 09.03.2011
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/10VxD
  • Data 09.03.2011
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/10VxD