1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Bota

"Rast shumë i rëndë" - Presidenti rus kërkon të mbrojë gazetarët kritikë

Në Rusi sërish është plagosur rëndë një gazetar kritik. Presidenti Medwedew premtoi sqarimin e rastit dhe ndëshkimin e autorëve të sulmit. Më parë gazetarët i ishin drejtuar me një letër të hapur presidentit Medwedew.

Udhëheqësi i opozitës ruse Vladimir Milov duke protestuar kundër keqtrajtimit të gazetarit Oleg Kashin

Udhëheqësi i opozitës ruse Vladimir Milov duke protestuar kundër keqtrajtimit të gazetarit Oleg Kashin

Në një letër të hapur 26 gazetarë rusë i janë drejtuar presidentit Dmitri Medwedew. Letra është botuar në faqen e parë të së përditshmes "Kommersant", për të cilën punon edhe Oleg Kaschin. Reporterët dhe botuesit kërkojnë nga Medwedewi që të mbrojë më në fund ata dhe kolegët e tyre. Autoritetet janë përgjegjëse për sigurinë e medieve. Përveç kësaj duhet të sqarohet sulmi ndaj Kaschinit si dhe vrasjet e sulmet e mëhershme. Apelit ndërkohë i janë bashkuar disa qindra nënshkrues.

"Ndërkohë mund të konstatohet se një gazetar sulmohet dhunshëm nëse punon seriozisht në një temë: kjo vlen para së gjithash për temat që kërkojnë shumë guxim si organizatat joformale rinore, intrigat e sistemit tonë të çuditshëm ekonomik apo nëse ata paraqesin pa zbukurime realitetin në Rusi. Nuk është harruar ende rasti i Michail Beketow, Ana Politkowsakaja-s, Natalia Estemirovës."

Olega Kaschin është plagosur rëndë nga persona të panjohur

Gazetari Olega Kaschin është plagosur rëndë nga persona të panjohur

Kështu komenton sulmin Sergej Buntmann nga stacioni "Echo Moskwy". Sulmi brutal ndaj gazetarit 30 vjeçar Kaschin, i cili është plagosur rëndë nga persona të panjohur në natën e së shtunës (6.11.) është ende temë qendrore në mediet ruse. Gazetarët dhe aktivistët për mbrojtjen e të drejtave të njeriut ankohen për atmosferën shoqërore ku përballë nxitjes publike dhe kërcënimeve ata e ndiejnë veten pa asnjë mbrojtje.

Organizata rinore "Garda e Re" e partisë qeveritare "Rusia e Bashkuar" në faqen e saj të internetit e kishte sharë Kaschinin si tradhëtar dhe sabotues të informacionit dhe kishte kërkuar dënimin e tij që në muajin gusht. Gazetari i "Kommersantit" kishte raportuar rregullisht për deficitet e demokracisë në vend, ndër të tjera edhe për protestën kundër ndërtimit të diskutueshëm të autostradës përmes një mali në afërsi të Moskës. Kjo nuk është hera e parë që kritikët goditen brutalisht ndërsa keqbërsit nuk kapen kurrë. Vlladimir Markin nga prokuroria e përgjithshme e sheh një lidhje mes veprës dhe punës së Kaschinit si gazetar:

"Janë hetuar publikimet e Oleg Kaschin-it, po ashtu edhe shkëmbimet e letrave në internet. hetuesit po hetojnë në pista të ndryshme por ne mendojmë që profesioni i tij, po ashtu edhe qëndrimi i tij personal shoqëror të clin Kaschim e tregonte në blogun e tij të internetit ka të bëj me sulmin."

Presidenti rus kërkon të mbrojë gazetarët kritikë

Presidenti rus kërkon të mbrojë gazetarët kritikë

Markin u bëri thirrje gazetarëve që të mbështesin hetimet me dëshmi konkrete. Të hënën pasdite (8.11.) presidenti Medwedew kërkoi sërish sqarimin e rastit dhe dënimin e keqbërsve:

"Mua nuk më pëlqen gjithmonë ajo çfarë thuhet apo shkruhet për mua apo për vendin tim. Por kjo është puna e gazetarit që nga këndvështrimi i tij, me argumentet e tij të raportojë për këtë apo atë ngjarje. Sa i përket rastit konkret dhe shumë të trishtuar, fatkeqësisht ky nuk është rasti i parë që tregon se shkalla e kriminalitetit në vendin tonë ashtu si më parë është shumë e lartë. Ka forca të cilat mendojnë se me metoda të tilla mund t'i mbyllin gojën gazetarëve dhe politikanëve, për këta njerëz përdorimi i çdo mjeti është i drejtë. Këto forca duhet të zbulohen. Secili që ka qenë i përfshirë në krim do të ndëshkohet."

Autor: Stephan Laack/ Esat Ahmeti

Redaktoi: Aida Cama

  • Data 09.11.2010
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/Q2FQ
  • Data 09.11.2010
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/Q2FQ