1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

Rasmussen paralajmëron reduktime të mëtejshme të KFOR-it

Vendimi për reduktime të mëtejshme do të merret pas një analize të mirëfilltë ushtarake dhe politike.

default

Sekretari i Përgjithshëm i NATO-s në Kosovë

Sekretari i përgjithshëm i NATO-os, Anders Fogh Rasmussen, i cili po kryeson një vizitë të këshillit veriatlantik të Aleancësnë Kosovë tha se qytetarët e Kosovës këtë vizitë duhet ta shohin si angazhim të NATO-os për paqen dhe stabilitetin në Kosovë dhe rajon. Ai tha se situata e sigurisë në Kosovë po vazhdon të përmirësohet, megjithë disa komplikime politike dhe incidente të vogla. Numri një i NATO-s, Anders Fogh Rasmussen, tha se reduktimi i trupave të KFOR-it do të vazhdojë dhe në Kosovë do të mbeten pak më shumë së dy mijë trupa, mirëpo ai nuk saktësoi datën se kur do të merret vendimi përfundimtar.

Rasmussen: “Vendimi për reduktimin e mëtejshëm të KFOR-it do të merret, kur ta lejojnë kushtet e sigurisë”

Auslandseinsätze der Bundeswehr KFOR Bewaffnete Soldaten der Bundeswehr bei einer Straßenkontrolle nördlich von Mitrovica Kosovo

Trupa të KFOR-it në Kosovë

“Kur ta ndërmarrim hapin tjetër, kjo do të jetë, sepse kushtet e lejojnë këtë. Të gjithë në Kosovë duhet të jenë të inkurajuar nga kjo, sepse kjo tregon se njerëzit në Kosovë po jetojnë në një mjedis të qetë. Kur KFOR-i ta përmbyllë procesin e reduktimit më shumë se dy mijë trupa do të qëndrojnë në Kosovë dhe shumë të tjera do të jenë të gatshme që të dislokohen këtu natyrisht në rast nevoje. Dua të siguroj se ne do të qëndrojmë në Kosovë për sa kohë është e nevojshme”, tha Sekretari Rasmussen.

“Asnjë hap nuk do të ndërmerret në reduktimin e mëtejmë, derisa të jemi të sigurtë se situata e sigurisë e lejon këtë. Vendimi do të merret pas një analize të mirëfilltë ushtarake dhe politike.” tha sekretari Rasmussen.

Dy ditë më parë në veri të Kosovës u sulmua më armë zjarri një qendër banimi e KFOR-it, mirëpo nuk pati të lënduar. Ky sulm pasoi një letër kërcënuese të shkruar në gjuhën serbe, ku thuhej se sulme të tilla do të ndodhin mbi KFOR-in edhe në të ardhmën, sepse KFOR-i po mban anën e shqiptarëve duke harruar serbët e mbetur në Kosovë. Mirëpo sekretari i përgjithshëm i NATO-s siguroi serbët e Kosovës se KFOR është këtu për të gjithë qytetarët e Kosovës.

Rasmussen: “KFOR do të vazhdojë të mbrojë si shumicën ashtu edhe pakicën në Kosovë”.

Strpce Strom

Fshati Strpce në Kosovë

“Kur them njerëzit në Kosovë e them të gjithë qytetarët, të gjitha komunitetet. Unë më vonë do të qëndroj në manastirin e Decanit për ta takuar udhëheqësin fetar ortodos serb, Theodosije dhe këtë mesazh do t'ia përcjell edhe atij, se KFOR-i është në Kosovë që të mbrojë edhe shumicën edhe pakicat”, tha sekretari Rasmussen. Sekretari i përgjithshëm i NATO-s dhe komandanti i KFOR-it pas interesimit të gazetarëve, nëse KFOR-i mbështet misionin EULEX në hetimet, që po zhvillon për korrupsion kundër zyrtarëve të lartë të qeverisë, thanë se drejtësia duhet ta kryejë punën e saj.

Rasmussen: “Kush dhunon legjislacionin, duhet të përballet me drejtësinë.”

“Ata njërëz, që dhunojnë legjislacionin, duhet të përballen me drejtësinë dhe në fund të fundit qytetarët e Kosovës do ta pranojnë se rendi dhe ligji janë e ardhmja e Kosovës”, tha Anders Fogh Rasmussen.

Këshilli veriatlantik i NATO-s, i kryesuar nga sekretari, Andërs Fogh Rasmussen, gjatë mbrëmjes do të takojë udhëhehqësit më të lartë politikë të Kosovës, si dhe shefat e misioneve ndërkombëtare, ata të misionit EULEX, të UNMIK-ut dhe të OSBE-së. Ai do të realizojë gjithashtu një vizitë do ta realizojë edhe në Manastirin e Decanit.

Autor: Bekim Shehu

Redaktoi: Angjelina Verbica

  • Data 21.05.2010
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/NUDR
  • Data 21.05.2010
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/NUDR