1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Evropa

Rasmuseni - Sekretari i Ri i Përgjithshëm i NATO-s nis detyrën

Të shtunën (01.08.) danezi Rasmusen (Rasmussen) mori postin e Sekretarit të Përgjithshëm të NATO-s. Atë e presin detyra të mëdha: para së gjithash angazhimi i NATO-s në Afganistan, i cili nuk po shkon si duhet.

Sekretari i Ri i Përgjithshëm i NATO-s, Rasmusen. Ne foto: Rasmusen flet ne takimin e Natos ne Strasburg, prill 2009

Sekretari i Ri i Përgjithshëm i NATO-s, Rasmusen

Në radhë të parë Rasmusenit i duhet të fitojë besimin e kolegëve nga Turqia

Ai nuk mundi ta përmbante lumturinë, kur më në fund mori lajmin:

"Ndihem shumë i nderuar për emërimin si Sekretari i ri i Përgjithëm i NATO-s dhe do të bëj gjithçka për të justifikuar besimin e kolegëve të mi." Kështu u shpreh Rasmuseni në fillim të prillit, gjatë takimit të nivelit të lartë të NATO-s në Strasburg dhe Kehl.

Në radhë të parë Rasmusenit i duhet të fitojë besimin e kolegëve nga Turqia. Kryeministri turk Erdogan iu kundërvu gjatë dhe me vendosmëri kandidaturës së Rasmusenit - dhe ndërroi qëndrim vetëm në minutën e fundit, duke i dhënë danezit bekimin e tij.

Në krye të listës së detyrave të Rasmusenit: angazhimi i NATO-s në Afganistan.

Rasmuseni konsiderohet si shamia e kuqe ndaj demave në botën islamike. Shkak për këtë janë karikaturat e Muhametit, të botuara para disa vjetësh në gazetat daneze. Asokohe Rasmuseni ishte kryeministër i Danimarkës.

Por në fund ai ia doli mbanë – sidomos me mbështetjen e Obamas, Merkelit dhe Sarkozisë.

Por problemet e vërteta vijnë pas marrjes së postit: sepse detyrat që e presin Rasmusenin nuk janë të lehta.

Në krye të listës: angazhimi i NATO-s në Afganistan.

"Ne nuk mund të pranojmë që Afganistani të bëhet sërish një strehë për terrorizmin ndërkombëtar", një fjali kjo që është më e lehtë të thuhet se të kryhet.

Cilat vende duhet të bëhen anëtare të rinj të NATO-s?

Jap de Hof Skefer lë pas një NATO përgjithësisht të bashkuar. Ne Foto, de Hop Skefer flet ne Bruksel para mediave

Jap de Hof Skefer lë pas një NATO përgjithësisht të bashkuar

Që prej vitit të kaluar gjendja e sigurisë në Afganistan është përkeqësuar ndieshëm - edhe në zonën veriore të vendit që dikur ishte e qetë, dhe ku është stacionuar ushtria gjermane gjendja po bëhet gjithnjë e më e rrezikshme. NATO-ja s'mund t'ia lejojë vetes të dështojë në Afganistan, presioni është i jashtëzakonshëm – edhe Rasmuseni e di këtë.

Veç Afganistanit përpara NATO-s shtrohen edhe shumë pyetje të tjera: Çfarë synon NATO-ja? A do të jetë apo jo police e botës? Cilat vende duhet të bëhen anëtare të tjera të saj?

Për këtë pyetje sekretari i deritanishëm i NATO-s, Jap de Hop Skefer (Jaap de Hoop Scheffer) nuk ka gjetur përgjigje. Megjithatë, në momentin kur de Hop Skeferi u bë shef i NATO-s, aleanca qe e përçarë thellë sa u përket qëndrimeve, për shkak të luftës në Irak të amerikanëve. Kurse angazhimi i NATO-s në Afganistan ishte në fillimet e tij.

Jaap de Hop Skeferi nuk arriti të vinte thekse të vetat

De Hop Skeferi i dorëzon pasardhësit të tij një NATO në përgjithësi të bashkuar, por Jap de Hop Skeferi nuk arriti të vinte thekse të vetat. Nëse Rasmuseni, djali i një fshatari danez nga Jytlanda do t'ia dalë mbanë të vërë thekset e veta, me stilin e tij të thjeshtë, të ftohtë dhe të tërhequr, kjo pritet të shihet.

Autor: Mihael Gëçenberg/ Pandeli Pani

Redaktoi: Auron Dodi

DW.COM

  • Data 31.07.2009
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/J0hQ
  • Data 31.07.2009
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/J0hQ