1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

Qeveria gjermane ndihmon zhvillimin e veriut të Shqipërisë

Një financim prej 16 milion eurosh i qeverisë gjermane, do të shërbejë për rrjetin e ujësjellës-kanalizimeve dhe menaxhimin e integruar të liqenit të Shkodrës.

default

Ka nisur nga zbatimi, njëri prej projekteve më të rëndësishëm në drejtim të furnizimit me ujë të pijshëm dhe mbrojtjes ambjentale të liqenit të Shkodrës. Ndërmarrja e ujësjellës-kanalizimeve, do të jetë zbatuesja e këtij projekti, që financohet me fondin prej 16 milion eurosh, të akorduara nga Banka Gjermane e Kreditimit KFV, Agjensia Austriake për Zhvillim ADA dhe Sekretariati Shtetëror Zviceran për Ekonominë SECO.

Për drejtorin e ndërmarrjes së ujësjellës-kanalizimeve Shkodër, Ëngjëll Gjondrekaj: “Ky është projekti më i madh që realizohet në qytetin e Shkodrës dhe rasti i parë, që tre donatorë të fuqishëm punojnë së bashku në Shqipëri. Unë falenderoj për ndihmën dhe mbështetjen”.


Drejtori Ekzekutiv i njërës prej firmave zbatuese Frank Enrischer, thekson se ky projekt vjen si rezultat i bashkëpunimit 20-vjeçar me donatorin gjerman, i cili ka investuar më shumë se 130 milion euro për këto dy sektor të rëndësishëm: “Ne, jemi shumë të ndërgjegjëshëm, se sa i rëndësishëm është ky projekt për këtë rajon. Ne do të vendosim një bashkëpunim shumë të ngushtë njëri me tjetrin, të cilin e shohim si bazë për kryerjen me sukses të këtij projekti".


Me financimin dhe ndërhyrjen e donatorit të huaj, është bërë i mundur rehabilitimi i një prej ujësjellësve kryesorë në Malësi të Madhe. Sipas Kryetarit të Komunës Kastrat Gjovalin Vneshti, janë në përfundim edhe tre ujësjëllës të tjerë në këtë rajon. Me rehabilitimin e plotë të sistemit, rreth 80 përqind të popullësisë, do të furnizohet me ujë të pijshëm: “Për fazën e parë, vlera e projektit të përfunduar shkonte në 800 mijë euro. Ndërsa shuma për rehabilitimin e ujësjellëit që është në vazhdim, arrin në 700 milion lekë. Dhe mendohet që brenda muajve mars-pril do të përfundojë ujësjellësi i Kastratit”.


Në projektin e parë, 1995-2007, nga investitorët Gjermanë, u investuan rreth 8 milion euro për sektorin e ujësjellës-kanalizimeve. Për projektin e dytë, që sapo ka filluar, donatori Gjerman investoi 9 milion euro, ndërsa pjesa tjetër prej 6 milion eurosh u financuan nga donatorët partner në këtë projekt.

Autor: Leka Plani

Redaktoi: Aida Cama

  • Data 26.03.2009
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/HKEh
  • Data 26.03.2009
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/HKEh