1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Gjermania

Qeveria gjermane harton projektligj për synetin

Qeveria federale do ta lejojë synetin e djemve hebrenj dhe myslimanë, në rast se ky bëhet tek mjeku. Ministrja e Drejtësisë Sabine Leutheusser-Schnarrenberger paraqiti të martën projektplanet për ligjin përkatës.

Shkak për këtë projektligj është një vendim i Gjykatës së Këlnit, ku në maj një gjyqtar e klasifikoi rrethprerjen tek të porsalindurit dhe fëmijët e vegjël si një cënim të integritetit fizik. Ky vendim, i cili nuk është i detyrueshëm për gjykatat e tjera, tërhoqi vëmendjen ndërkombëtare dhe shkaktoi trazira të konsiderueshme në mesin e hebrenjve dhe myslimanëve. Pas kësaj parlamenti gjerman i kërkoi qeverisë që të hartojë dispozita ligjore për synetin.

Ndërhyrja duhet të kryhet në përputhje me rregullat e mjekësisë

Sipas ministres së Drejtësisë Leutheusser-Schnarrenberger syneti nuk duhet ndëshkuar. Neneve, që lidhen me fëmijët në Kodin Civil, do t'u bashkangjitet një paragraf, që bën të qartë se prindërit mund të bien dakord për ta bërë synet djalin e tyre, por në kushte të caktuara. Ndërhyrja duhet të bëhet në kushte dhe sipas rregullave mjekësore. Kjo, nëse është e nevojshme, përfshin dhe trajtimin e dhimbjeve dhe anestezinë. Një zëdhënës i Departamentit të Drejtësisë tha se janë marrë parasysh disa kërkesa: syneti duhet të bëhet në mënyrë profesionale dhe me gjithë kujdesin e mundur. Përpara se të bëhet ndërhyrja, mjeku duhet t'i sqarojë prindërit në mënyrë të plotë. Prindërit duhet të mbajnë parasysh edhe vullnetin e fëmijës në fjalë.

Për rastet kur për shkaqe fetare syneti duhet bërë brenda gjashtë muajve të parë pas lindjes së fëmijës, lejohet një përjashtim në lidhje me vullnetin e fëmijës, për t'u bërë synet. Gjithësesi edhe në këtë rast ndërhyrja duhet të bëhet nga një person profesionist, pra jo patjetër mjek, gjithësesi në kushte mjekësore.

Këshilli Qendror i Hebrenjve reagon pozitivisht - Mjekët paralajmërojnë

Kryetari i Këshillit Qendror të Hebrenjve, Dieter Graumann, u shpreh i kënaqur: Projektligji u përgjigjet dëshirave të shumta të hebrejve në Gjermani. "Ministria Federale e Drejtësisë meriton për këtë propozim të zgjuar respekt dhe mirënjohje."

Kurse mjekët dhe organizatat të drejtat e njeriut paralajmëruan ndaj efekteve të synetit për djemtë hebrenj dhe myslimanë dhe kërkuan që të ketë më tepër informacione për pasojat e këtij zakoni. Po ashtu problematik sipas ekspertëve është fakti, që syneti në rastet e fëmijëve nën gjashtë muaj mund të bëhet edhe nga një person, që nuk është mjek.

Pra deri në miratimin e projektligjit për synetin do të ketë me siguri shumë nevojë për diskutime dhe debate.

  • Data 27.09.2012
  • Autor Günther Birkenstock/Pandeli Pani
  • Fjalët kyç synet
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/16Fvo
  • Data 27.09.2012
  • Autor Günther Birkenstock/Pandeli Pani
  • Fjalët kyç synet
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/16Fvo