1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

Qëndrimi i Athinës ndaj një Kosove të pavarur

Kursi i Athinës do të jetë një politikë e përgjegjshme pa levizje dhe vendime të nxituara deklaron shefja e diplomacisë greke Bakojani në Athinë

default

E ardhmja troket

Çështja e Kosovës përbën një sprovë të vështirë për diplomacinë greke, sprovë që më sot është kaluar me sukses. Kjo falë realizmit të saj politik që e ka mbajtur gjithnjë të bashkërenduar me partnerët e saj evropianë duke mos e penguar njëkohësisht që të bejë evidente edhe rezervat e saj si vend ballkanik me relata historike me Beogradin.

Për Kosovën Greqia lë mënjanë Qipron

Kjo ndodhi edhe kësaj radhe, në takimin e djeshëm të ministrave të jashtëm të B.E. në Bruksel, ku Athina u njesua me qendrimin evropian duke e lenë bile shtetin simotër, Qipron, me lidhjet e saj të ngushta me Beogradin dhe Mosken, si të vetmen kundërshtare të pavarësisë së Kosovës nga frika e një precedenti dhe për pjesën veriore turkoqipriote të ishullit të saj.

Pikësynimi i vendimeve tona do të jetë sigurimi i stabilitetit dhe i paqes si edhe interesat më të gjera greke në rajon, tha shefja e diplomacisë greke Bakojani në konferencen e posaçme për shtyp me gazetarët grekë ku nënvizoi se kursi i Athinës do të jetë një politikë e përgjegjshme pa levizje dhe vendime të nxituara

Pjesëmarrja e Greqisë në misionin evropian në Kosovë, që do të zevendësojë KFOR-in as që diskutohet, siç u bë e qartë edhe nga ministria greke e cila theksoi nevojen e një qëndrimi unik evropian duke e cilësuar Kosoven një problem kryesisht evropian dhe ruajtjen e sigurisë në rajon problem themelor.

Si do të reagonte Greqia kur të shpallej pavarësia?

Ministrja e jashtme greke, Bakojani, shprehu vlerësimin se kjo nuk do të bëhet 15 ditët e ardhshme. Njohja e pavarësisë është çështje e çdo shteti në veçanti por edhe objekt diskutimi në nivel evropian por edhe midis shteteve të rajonit, vuri në dukje ajo. "Vendet e rajonit kanë përgjegjësi akoma më të madhe... dhe duhet të shohim se si do të kontribuojmë me vendimet tona" tha Bakojani e cila paralajmëroi një takim trepalesh për këtë çështje me homologët e saj të Bullgarisë dhe Rumanisë më 22 dhjetor në Athinë.


  • Data 11.12.2007
  • Autor Niko Anagnosti
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/CaCO
  • Data 11.12.2007
  • Autor Niko Anagnosti
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/CaCO