1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

Pronësia mbi tokën bllokon investimet në fushën e turizmit

Ndërtimi fshatit turistik në Kakome dhe kontrata mes qeverisë shqiptare,dhe shumëkombëshes franceze me emër Club – Mediterenian nuk u bë e mundur të realizohet për shkak të problemeve të pronave mbi tokën.

Zënie peshku me dinamit

Zënie peshku me dinamit

Një nga investimet më të rëndësishme në lëmi të turizmit, ndërtimi fshatit turistik të Kakomesë, në jug të Shqipërisë po shkon drejt dështimit të plotë. Kontrata e firmosur katër vjet më parë prej qeverisë
shqiptare, përkatësisht Ministrisë së Turizmit dhe shumëkombëshes franceze me emër Club – Mediterenian nuk u bë e mundur të realizohet pikërisht prej mungesës së zgjidhjes së cështjes së pronave në bregdetin jugor shqiptar.

Aktualisht sipas kryetarit të komunës së Lukovës kësaj kontrate i ka mbaruar leja e ndërtimit. Katër vjet me rradhë banorët e zonës protestuan fort deri dhe në përleshje me policinë e shtetit e procese të panumërta gjyqësore në mbrojtje të pronave të tyre. Ata mundën me anë të protestave massive të banorëve të bregut të bllokonin
ndërtimin e fshatit gjigand turistik në bregdetin e Jonit. Kryetari shoqatës së pronarëve Agim Toro pohon se banorët e bregut janë në të drejtën e tyre. Por vetëm pak ditë më parë, nga kompania shumëkombëshe vjen një propozim i ri, për t`i bërë banorët e tokave
në bregdet bashkëaksionerë të këtij investimi që përfshin një sipërfaqe mjaft të madhe të bregdetit jugor shqiptar.

Problemi i pazgjidhur i pronave dhe pronarëve të ligjshëm vijon të mbajë peng investimet serioze në fushën e turizmit dhe të ekonomisë në Shqipëri.

  • Data 12.06.2008
  • Autor Odise Kote / Gjirokastër
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/EIRH
  • Data 12.06.2008
  • Autor Odise Kote / Gjirokastër
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/EIRH