1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

Progres fillestar në bisedimet Kosovë-Serbi

Optimizëm në Bruksel. Kryetarët e dy delegacioneve, atij shqiptar edhe serb kanë vlerësuar pozitivisht hapat e para të dialogut. Takime të tjera do të vazhdojnë në të ardhmen.

default

Pamje simbolike e flamurit shqiptar dhe serb

Në bisedimet e para që prej tre vjetësh mes Kosovës dhe Serbisë janë arritur disa suksese. "Ka një marrëveshje për një takim të dytë së shpejti", tha një diplomat i BE-së. BE konfirmoi "atmosferën konstruktive dhe të përzemërt" në bisedime. Të dyja palët janë mjaft të angazhuara për dialogun. Raundi tjetër i dialogut pritet të zhvillohet nga fundi i marsit, njoftojnë agjencitë e lajmeve. Me tone pozitive foli edhe kryesuesi i delegacionit serb, Borislav Stefanovic, të mërkurën në Bruksel pas bisedimesh gjashtëorëshe, pa përmendur hollësitë. "Është hera e parë që pas shumë vitesh patëm shansin të uleshim ballë për ballë prej nga dolën disa propozime vërtet konstruktive", tha Stefanovic.

Verhandlungen zwischen Serbien und dem Kosovo

Borislav Stefanovic, kryetar i delegacionit serb

Edhe drejtuesja e delegacionit kosovar, Edita Tahiri, foli për një takim konstruktiv. "Jam optimiste" tha zëvendëskryeministrja Edita Tahiri.

Ndërsa nënsekretari amerikan i shtetit për Çështjet Evropiane dhe Euroaziatike, Thomas Countryman u shpreh se "është një dialog dhe jo një negociim. Kjo nënkupton që të flasim me njëri-tjetrin për çështje mjaft praktike që do ta bënin më të mirë jetën për këdo në Kosovë", tha Countryman.

Feith: Takohen dy shtete sovrane

Çështjet, për të cilat u bisedua, ishin qarkullimi ajror, telekommunikacioni, kadastrat, regjistrat e gjendjes civile, si dhe vulat doganore - probleme praktike këto, që ua vështirësojnë jetën njerëzve në të dyja vendet.

Verhandlungen zwischen Serbien und dem Kosovo

Edita Tahiri, zëvendëskryeministre e Kosovës

Lidhur me hapjen e bisedimeve për statusin ka dy qëndrime të kundërta: Nëse Serbia dëshiron të bisedohet edhe një herë për statusin kushtetues të Kosovës të banuar me shumicë shqiptare, Kosova e refuzon këtë kategorikisht. I ngarkuari ndërkombëtar për Kosovën, Pieter Feith, e mbështeti këtë pozicion. Në tryezën e bisedimeve në Bruksel ndodhen "dy shtete të pavaruara dhe sovrane", tha ai të mërkurën (09.03.2011) në Prishtinë.

Bisedimet e filluara kanë hapur vetëm siparin për dialogun që do të vazhdojë. Është planifikuar që bisedimet të zhvillohen çdo muaj. Në takimet e tjera pritet të bisedohet edhe për gjendjen në veriun e Kosovës, i cili ende nuk është nën kontrollin e institucioneve të Kosovës. Takimi në Bruksel u realizua me ndërmjetësimin e BE-së.

Autor: L.Arapi /A. Verbica (dpa, afp)

Redaktoi: Vilma Filaj-Ballvora

DW.COM

  • Data 14.03.2011
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/10Weo
  • Data 14.03.2011
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/10Weo