1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Bota

"Problemet tona janë të zgjidhshme" - Presidenti Obama tregohet optimist

Presidenti amerikan Barack Obama ka kërkuar prej bashkëkombasve që të ruajnë qetësinë. Problemet e SHBA-së janë të "zgjidhshme", deklaroi Obama në Uashington. Ai foli edhe për masat që duhet marrë.

Presidenti amerikan Barack Obama

Presidenti amerikan Barack Obama

Shfaqja e presidentit Obama zgjati rreth tetë minuta dhe ishte dalja e parë që prej uljes së aftësisë kreditore të SHBA-së prej agjencisë për vlerësimin e rreziqeve Standard&Poor's, ditën e premte. Obama u përpoq të zvogëlojë domethënien e këtij hapi të paparë deri tani të një agjencie. „Ne nuk kemi nevojë që agjencitë e vlerësimit të na thotë se në afate të gjata duhet të ulim borxhet. Ne nuk kemi nevojë që agjencitë të na thonë se bllokimi disamujor në SHBA nuk ishte konstruktiv - ta them me fjalë të buta".

Megjithë pati turbulencat e fundit në tregjet financiare, e ndoshta pikërisht për këtë shkak, presidenti amerikan Barack Obama me vetëbesim të plotë theksoi: „Kemi një lajm të mirë: problemet tona janë të zgjidhshme. Ne e dimë se çfarë duhet bërë, për zgjidhjen e tyre."

Obama duke mbajtur fjalim mbi tregjet financiare

Obama duke mbajtur fjalim mbi tregjet financiare

Në buxhet nuk ka mundësi për kursime të mëdha, prandaj është e domosdoshme reforma e tatimeve si dhe shkurtime të vogla në reformën shëndetësore. Të dy këta hapa janë në kundërshtim me qëndrimet e njërës prej dy partive të mëdha politike. Republikanët refuzojnë rritjet e tatimeve, ndërsa demokratët janë kundër shkurtimit të shpenzimeve në sistemin e shëndetësisë. Por pikërisht këto shkaqe ka theksuar edhe agjencia e vlerësimit të rreziqeve Standard&Poor's, në shpjegimin e vendimit të saj për uljen e bonitetit të shtetit amerikan.

Barack Obama nuk e merr tepër seriozisht vendimin e kësaj agjencie. Megjithatë ai thotë: „Unë shpresoj se lajmi i ditës së premte na bën edhe një herë të qartë se me çfarë urgjence duhet të veprojmë.“

Wall Street

Wall Street

Partitë politike amerikane duhet të bien dakord për hapat e tjerë maksimumi deri në shtator, kur të përfundojnë pushimet verore, por situata aktualisht nuk duket edhe tepër e mirë. Prej të premtes së kaluar (5.8.), republikanët dhe demokratët po fajësojnë palën tjetër për humbjen e notës më të mirë kreditore për vendin. Presidenti Obama bëri të ditur se javën e ardhshme do të bëjë disa propozime të reja për uljen e borxheve të shtetit. Ai me plot vetëbesim para kamerave deklaroi: „Tregjet mund të ngrihen dhe të bien. Por këtu kemi të bëjmë me Shtetet e Bashkuara të Amerikës. Pa marrë parasyshë se çfarë mendojnë agjencitë e rejtingut: ne kemi qendë dhe gjithmonë do të jemi trefish A.“

Një vend pra me notën më të mirë. Por gjatë fjalimit të Obamës bursa amerikane shënoi rënie të jashtëzakonshme. Wallstreet-i përfundoi ditën me humbje prej 5,5 % dhe ra në nivelin më të ulët që nga tetori i vitit të kaluar.

Autor: Anna Engelke/ Bahri Cani

Redaktoi: Aida Cama

  • Data 09.08.2011
  • Fjalët kyç Obama, Rede
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/12DKr
  • Data 09.08.2011
  • Fjalët kyç Obama, Rede
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/12DKr